جاری میلادی ییل‌نینگ بیرینچی تورت آیی‌ده اوتگن ییل‌نینگ بیرینچی تورت آیی‌گه قره‌گن‌ده، مملکت‌ده خبرچیلرگه قرشی زوره‌وانلیک میزانی کمیده 20% آشگن.
افغانستان ایرکین میدیالردن حمایت قیلووچی اداره (نی) مسؤولی صدیق الله توحیدی، اوتگن میلادی ییل‌نینگ بیرینچی اوچ آیی‌ده مملکت خبرچیلریگه قرشی 100 مورد زوره‌وانلیک حادثه‌سی رویخط‌گه آلینگن‌لیگی‌نی ایتگن.
بیراق، جاری میلادی ییل‌نینگ بیرینچی اوچ آیی‌ده بو رقم ایسه 117 واقعه‌گه آشگن. بوگون کابل‌ده میدیا خلق ارا کونی‌نی نشانلش مناسبتی بیلن یول‌گه قوییلگن‌ده ییغین‌ده سوزگه چیققن افغانستان ایرکین اخبارات واسطه لریدن حمایت قیلووچی تشکیلات (نی) مسؤولی صدیق الله توحیدی‌نینگ اوتگن میلادی 2015- ییل‌نینگ بیرینچی تورت آیی‌گه قره‌گن‌ده، مملکت خبرچیلریگه قرشی زوره‌وانلیک میزانی آشگن دیگن.
افغانستان ایرکین میدیالریدن حمایت قیلووچی اداره (نی) مسؤول‌لری تامانیدن بیریلگن معلومات‌ده اساسی‌ده، اوتگن میلادی بیر ییل‌ده 12 خبرچی هلاک ایتیلگن، 23 خبرچی ایسه یره‌لنگن و باشقه 15 ته‌سی کلتک‌لنگن.
شونینگ‌دیک، خبرچیلرگه قره‌شلی توغری و ناتوغری 68 نفرت رویخط‌گه آلینگن لیگی تاکیدلنه‌دی. خبرچی‌لردن 21 % ناتانیش کیشی‌لر تامانیدن و باشقه 64 % هم طالب‌لر تامانیدن تهدید بولگن.
جناب توحیدی‌گه کوره، اوتگن بیر ییل‌ده، خبرچی‌لر شامل اخبارات واسطه‌لری ملازملریدن 300 کیشی مملکت‌نی ترک ایتگن و بولر‌دن کمیده 60 ته‌سینی عیال‌لر تشکیل بیره‌دی.
افغانستان ایرکین میدیالریدن حمایت قیلووچی اداره (نی) مسؤولی، معلومات‌لرگه قول تاپه آلمس‌لیک، مالی و جانی خوفسیزلیک یوقلیگی مملکت خبرچی‌لری اونگی‌ده تورگن اینگ جدی قیین‌چی‌لیک‌لردن حسابلنه دیگن.
مذکور اداره، سوز ایرکین لیگی خلق ارا کونی‌نی نشانلش مناسبتی بیلن اوتکزیلگن ییغین‌ده، آنلاین بولیمی‌ده اینگ یخشی خبرچی، اینگ یخشی سیاسی دستورنی باشقرووچی، اینگ یخشی خبری صورتچی، اینگ یخشی نطاق و اینگ یخشی فلم بردارگه تندیس ساوغه بیرگن.
بو آره‌ده سلام‌وطندارنینگ خبرچی‌سی وحیده فیضی، تندیس قولگه کیریتیب، آنلاین بولیمی ده اینگ یخشی خبرچی صفتی‌ده تانیلگن.
عین حالده، افغانستان مدنی جماعه‌چیلیک جمغرمه‌سی، کابل‌ده قلم و سوز ایرکین‌لیگی خلق ارا کون‌لرینی نشانلب، 12 یخشی یازووچی‌نی آلقیش‌له‌دی.
