تینچ اهالی‌لرنی سقلش و دادخواهلیک گروهی (CPAG) نینگ معلوماتی اساسیده، اوتگن دسمبر آیی‌ده سوادلی کیشی‌لر و حکومت‌نینگ ملکی ایشلاوچی‌لری کوپلب قربانلیک بیرگن‌لر.
مذکور گروه‌نینگ معلوماتی گه کوره، میلادی 2018- ییل‌نی دسمبر آیی‌ده مملکت‌نینگ 15 ولایتیده 40 امنیتی واقعه یوز بیرگن و نتیجه‌ده 184 تینچ اهالی هلاک و باشقه 94 تینچ اهالی یره‌لنگن.
دادخواهلیک گروهی‌نینگ معلوماتی اساسیده، بو آره‌ده کابل شهری کوپلب قربانلیک‌که گواه بولگن و بو شهرده اوتگن دسمبر آیی‌ده 55 کیشی هلاک و باشقه 30 کیشی تَن جراحت آلگن.
.png)
اوشبو گروه گه کوره، کابل‌ده فواید عامه وزیرلیگی و ناگرانلر و شهیدلر اورین باسرلیگی اوستیگه اویوشتیریلگن هجوم اوتگن آیده اینگ قانلی واقعه سنه‌لیب و نتیجه‌ده 47 تینچ اهالی هلاک و باشقه 27 تینچ اهالی یره‌لنگن ایدی. اوشبو واقعه‌ده هلاک ایتیلگن‌لردن 7 ته‌سی و یره‌لنگن‌لریدن 11 ته‌سی عیاللر بولگن.
تینچ اهالی‌نی سقلش و دادخواهلیک گروهی کمیده 20 مدنی جماعه‌چیلیک قوریلمه‌دن تشکیل ایتیلگن و هر آی تینچ اهالی‌لرنینگ قربانلیک گزارشی‌نی نشر قیلیب و قربان بولگن‌لرنینگ عایله‌لری اوچون دادخواهلیک قیله‌دی.
