انسان حق و حقوقلری بوییچه ایرکین کمیسیون‌نینگ مسوول‌لریگه کوره، 1394-ییلده بلاغت‌گه ییتمه‌گن 235مورد مجبوری نکاح بو کمیسیون تامانیدن رویخط‌گه آلینگن بو رقم اوتگن ییل‌گه قره‌گن‌ده 10مورد آشگن.
انسان حق وحقوق‌لری بوییچه مستقل کمیسیونی‌نینگ باشلیغی سیما سمر بوگون (یکشنبه) کابل‌ده اوتکزیلگن خبری ییغین‌ده، مملکتده بلاغت‌گه ییتمه‌گن قیزلرنی مجبوری نکاح‌گه بیریش عایله‌لرگه اساسله‌نیب تیارلنگن رویخط‌‌‌دن کوره کوپراق دیگن.
خانم سمر، بلاغت‌گه ییتمه‌گن گودک‌لرنینگ حق و حقوقی عایله‌لر تامانیدن آیاغ آستی ایتیله‌دی و مجبوری نکاح‌گه بیریش اوشبو مورد‌لر جمله‌سی‌دن دیگن.
اونینگ سوزلریگه قره‌گن‌ده، بلاغت‌گه ییتمه‌گن گودک‌لر اوقیش واورگه‌نیش شرایطی یوق‌لیگی و اویدن قاچیش مملکتده مجبوری نکاح‌گه بیریش‌نینگ بیرینچی عالمی حسابلنه‌دی.
انسان حق وحقوق‌لری بوییچه کمیسیون باشلیغی، رواجلنگن مملکت‌لرگه قره‌گن‌ده ترقیات‌گه ییتمه‌گن مملکت‌لرده مجبوری نکاح‌گه بیریش سانی یوقاری دیگن.
عین حالده، انسان حق و حقوقلری بوییچه کمیسیون‌نینگ اعضاسی عبدالرحمان هوتک، بلاغت‌گه ییتمه‌گن قیزلرنی مجبوری نکاح‌گه بیریش اسلام‌ده اورنی یوق دیب، خانه‌دانلر شخصی منفعت‌لرگه ایریشیش اوچون بلاغت‌گه ییتمه‌گن گودک‌لرنی بو ایش‌گه مجبور قیله دیلر دیگن.
انسان حق وحقوق‌لری مساله‌سی بوییچه کمیسیون مسوول‌لری، عیال‌لرگه قرشی زوروانلیک‌نی توسیش قانونی خاتین – قیزلر معماسینی بوتونلی حل قیلمیدی دیدی لر. بو اداره، حکومت‌دن اوشبو قانون اوزگرتیریلیشی‌نی سوره‌گن.
