هلمند ولایتی‌ده انسان حقوقی کمیسیونی مسؤول‌لری، بو ولایت‌ده بلاغت‌گه ییتمه‌گن باله‌لر قشاق‌لیک یانیده، بچه‌بازلیک معماسی بیلن هم دوچ کیلگن‌لیک‌لرینی ایتگن‌لر.
بو کمیسیون مسؤول‌لری نینگ کوپیتیریشیچه، اوچ آیدن بویان قول‌گه کیریتیلگن معلومات‌ده حاضرگی کون‌لرده اوشبو ولایت بچه بازلیک بوله‌دی بو وضعیت کون سایین کوپه ییب بارماقده.
هلمند انسان حقوقی مستقل کمیسیونی مسؤولی محمدبلال صدیقی، مذکور ولایت‌ده بچه‌بازلیک موجودلیگی توغریسیده خواطر بیلدیریب، مسؤول اداره‌لر و عاموی اخبارات واسطه‌لری بو ایش آلدی آلینیشی اوچون سعی و حرکت قیلیشی لازم دیگن. او، مذکور عمل جرم صفتیده قانون‌گه کیریتیلیشی کیره‌ک دیگن.
باله‌لرگه قرشی موجود قیین چیلیک‌لرنی تیکشیریش توغریسیده اوتکزیلگن ییغین‌ده جناب صدیقی نینگ ایتیشیچه، اولر هر ییل اوچ آی ایچیده باله‌لرنینگ وضعیتی و اولرنینگ اجتماعی حیات‌لرینی تیکشیره‌دی.
اونگه کوره، بو اداره‌نینگ اوچ آی‌لیک تیکشیروو نتیجه‌سی‌ده تیارلنگن معلومات‌ده هلمند ولایتی‌ده بچه‌بازلیک کینگ صورتده موجود و امنیتی کوچلر بوندهی بیر عمل‌نی آلدینی آلیش اورنی‌ده بچه بازلرنینگ امنیتی‌نی تامین قیله‌دی.
بو کمیسیون مسؤول‌لری‌نینگ ادعا قیلیشیچه، بچه بازلرنینگ کوپینچه‌سی دولت رسمی‌لری نینگ یقین اورتاق‌لری دیر و دولت رسمی‌لری اوشبو ایشگه بچه بازلرگه یاردم بیره‌دی.
محمدبلال نینگ کوپیتیریشیچه، اولرنینگ قول‌گه کیریتکن معلومات لریگه کوره، اوتکن اوچ آی‌ده 30 باله بچه بازلیک باعث زیان کورگن. اونگه کوره، بو باله‌لر حاضردن تقدیر سیزلیککه دوچ کیلگن.
جناب صدیقی بو ایش نینگ بیرینچی دلیلی ناتینچ لیک‌لر، قانون تطبیق ایتیلمس لیگی قشاق‌لیک و اداری فساد دیگن. بیرینچی دن بچه بازلیک توغریسیده اهالی آلدیده معین بیر تعریف بولیب، مذکور عمل افغانستان اساسی قانونی‌گه جرم صفتیده قید ایتیلیشی تاکیدلنه‌دی.
باشقه تاماندن هلمند امنیتی رسمی‌لری نینگ ایتیشیچه، انسان حقوقی کمیسیونی نینگ بو عمل توغریسیده انیق حجت موجود بولگن حالده، امنیتی اداره‌لر بوندهی واقعه‌لر عامل لریگه قرشی قانونی یوزه‌سی‌دن حرکت قیله‌دی.
دنیانینگ کوپینچه مملکت‌لریده باله‌لردن ایش آلیش جرم سنله‌دی و اونی عامل‌لری قانون گه تاپشیریلیب جزالنه‌دی.
اسلام دینی و افغانستان جزا قانون حکمی‌گه اساسا، بچه بازلیک حرام و بو ایش عامل‌لری آغیر صورتده جزالنیشی کیره‌ک.
انسان حقوقی کمیسیونی باشلیغی سیما سمر، قانون تطبیق ایتیلمس‌لیگی، معافیت فرهنگی موجودلیگی و دولت‌ده‌گی اداری فساد افغانستان‌ده باله‌لر بچه بازلر قولی‌گه تویشی باره‌سی‌ده تاکیدله‌گن.
