افغانستان انسان حقلری ایرکین کمیسیونی باکره‌لیک معاینه‌سینی «قیدسیز و شرط‌سیز» منع ایتیلیشی نی سوره‌دی.
اوتگن کون (چهارشنبه ۱۲- سنبله) جمهورلیک ریاستی نینگ ایکینچی اورین‌باسری محمدسرور دانش نینگ ریاستی آستیده یولگه قوییلگن کابینه نینگ قانونلر کمیته‌سی، قیز نینگ رضایتی و صلاحیت‌لی محکمه نینگ بویروغی بولمه‌سدن بکارت پرده‌سی تیکشیریلمه‌سی خصوصیده بویروغ بیردی و بو بویروغ گه قرشی عمل قیلگن کیشیلر جزا گه محکوم بولیش‌لری ممکن.
بیراق انسانی حقلر کمیسیونی نینگ ایتیشیچه، عیال‌لرنینگ انسانی کرامتی نی سقله‌ش و انسان حقوقی نینگ طبی و خلق‌ارا معیارلری نی نظر گه آلیش بیلن، نسایی عدلی طب تیکشیروولری انسان حقوقی نینگ نقض قیلیش گه علاوه جرم نی اثبات‌لش اوچون طبی و علمی اساسی یوق.
بوگون (پنج‌شنبه ۱۳- سنبله) مذکور کمیسیون بیر توییت یازیب ایتیشیچه: «شو یوزه‌دن انسان حقلری کمیسیونی سابق کبی باکره‌لیک پرده‌سی و باشقه نسایی عدلی طب تیکشیروولری نی قیدسیز و شرط‌سیز منع ایتیلیشی نی سوره‌یدی و بو توغریده مذکور معاینه بوتونلی منع ایتیلیشی گه قدر دادخواهلیک‌که دوام بیره‌دی.»
بوندن آلدین افغانستان حکومتی عیاللر نینگ باکره‌لیک پرده معاینه‌سی یالغیز صلاحیت‌لی بیر محکمه نینگ بویروغی اساسیده صورت تاپیشی نی بیلدیرگن ایدی. بیراق قانونلر کمیته‌سی نینگ ینگی قراری ده کیلیشیچه، بو تیکشیروو عیال نینگ اوز ایسته‌گی و صلاحیت‌لی محکمه نینگ بویروغی اساسیده صورت تاپه‌دی.
