نهایت امیریکه مدافعه وزیرلیگی، امیریکه نینگ افغانستان ده‌گی قیته قوریش لایحه‌لرینی تیکشیرووچی عمومی اداره (سیگار) نینگ ایستک‌لرینی تن آلدی. امیریکه دولتی افغانستان ده‌گی حربی‌لریگه تیگیشلی بعضی بیر معلوماتلر و افغانستان امنیتی کوچلری وضعیتی حقیده‌گی ایریم گزارش‌لرنی مذکور اداره اختیاریگه قویگن.
بوندن آلدین خلق ارا کوچلری‌نینگ افغانستان ده‌گی عمومی قوماندانی جنرال جان کمپل، پنتاگون‌دن افغانستان حربی لرگه قره‌شلی بعضی بیر معلوماتلر هلی سیر سقله نیشی‌نی سوره گن ایدی. بو آره ده افغانستان دولتی نینگ بلند مرتبه‌لی رسمی‌لری، ملی کوچلرنینگ جانی تهدید آستی‌ده بولگن لیگی اوچون «اقش» رسمی‌لریدن مذکور حجت‌لر سیر سقله نیب قالشی‌نی سوره‌گن ایدیلر.
افغانستان‌ده قیته قوریش لایحه‌لرنی کوزه‌ته دیگن امیریکه نینگ مخصوص اداره‌سی (سیگار) امیریکه نینگ بو تدبیری ناقانونی بولگن لیگی‌نی ادعا قیلگن. سیگار امیریکه دولتی نینگ افغانستان‌ده صرفله‌گن مبلغ‌لری بیکارگه کیتگن لیکی‌ده عیب‌له‌گن. شونینگ‌دیک سیگار افغانستان‌ده صرفلنگن مبلغ اساسی‌ده «اقش» امریکا خلقی‌گه معلومات بیریش‌نی ایسته‌گن. حاضر ایسه سیگار بو توغریده بولگن ایریم حجت‌لرنی قولگه کیرتیش‌گه موفق بولگن. اوشبو اداره مذکور حجت‌لرنی قونت بیلن تیکشیریش‌نی باشله گن‌لیگی ایتیله‌دی.
امیریکه مدافعه وزیرلیگی، خلق ارا کوچلرنی افغانستان‌ده صرفلیدیگن خرجتی، اوشبو حربی‌لرنینگ ماموریتی و افغان ملی کوچلری بوتونلی وضعیتی باره سیده هر تورت آیده سیگار اداره سی‌گه گزارش بیرردی. اما، 2014- ییل نینگ سونگی تورت آی دوامیده‌گی هیچ قندی معلومات مذکور اداره اختیاریگه قوییلمه گن‌لیگی ایتیله‌دی.
سیگار اداره سی، مذکور معلومات قولگه کیریتیلمس‌دن امیریکه ماموریتی افغانستان‌ده موفق بولگن و بولمه گن‌لیگی‌نی انیق‌لش ممکن ایمس لیگی‌نی ایتگن.
حاضر سیگار اداره سی اختیاریگه بیریلگن حجت‌لر، افغانستان هوا کوچلری وضعیتی‌گه تیگیشلی معلوماتلر، بو مملکت نینگ مدافعه‌وی حربی‌لری قابلیتی و ملی کوچلر حربی جهاز لریدن عبارت دیر.
هنوز هم پنتاگون نینگ افغانستان باره سیده‌گی سیر سقلنه‌دیگن حجت‌لری قنچه سی سیگار اختیاریگه بیریلگن لیگی خصوصیده انیق معلومات قولده ایمس. شونینگ‌دیک سیگار هم اوشبو حجت‌لردن قنچه‌نی قولگه کیرتگن لیگی‌نی فاش قیلمه‌گن.
