.jpg)
امیریکه قوشمه ایالت‌لری خلق ارا رواجلنتیریش یاردم‌لر اداره‌سی (USAID)، افغانستان مالیه وزیرلیگی‌گه 100 میلیون دالر یاردم بیردی. مالیه وزیرلیگی رسمی‌لری‌نینگ ایتیشیچه، افغانستان‌نی مالی و اداری تیزیمی‌گه اصلاحات کیریتیلیشی اوچون، بو پول قوشمه ایالت‌لرنینگ قیته قوریش صندوقی‌دن توللنگن.
بو اصلاحات‌گه گمرک‌لر سیستمی برقی بولیشی، مالی تیزیم و تدارکات قانی‌گه قیته تیکلش، عیال‌لر بولیمی‌ده ایش لایحه‌لری تطبیق ایتیلیشی، تینچلیک و شونینگ‌دیک، ولایتی بودجه قوریش‌لر شامل بوله‌دی.
دوشنبه کون، افغانستان بوییچه امیریکه‌نینگ رواجلنتیریش اداره‌سی ارا بیرگه‌لیک ییغین اوتکزگن مالیه وزیری اکلیل حکیمی‌نینگ ایتیشیچه، اوتگن ییل ملی بیرلیک حکومت باشلیغ‌لری، امیریکه‌گه قیلگن سفرلریده، 40 بولیم‌ده اصلاحات کیریتیش‌لری خصوصیده سوز بیرگن‌لر.
جناب حکیمی‌گه کوره، افغانستان حکومتی، میلادی 2018- ییل‌گچه امیریکه‌نینگ مالی حمایتی‌ده تطبیق ایتیلیشی‌گه سوزبیرگن برچه اصلاحات‌نی عمل‌گه آشیره‌دی.
.jpg)
مالیه وزیری‌نینگ ایتیشیچه، افغانستان اقتصادی فعالیت‌لر اوچون تعیین ایتیلگن 10 بولیم‌دن 5 ته‌سی‌نی عمل‌گه آشیرگن و جاری ییل یکونلنگونگه‌قدر باشقه 5 بولیمی هم یکونلنیشی ممکن.
شونینگ‌دیک، اوشبو ییغینده افغانستان بوییچه امیریکه قوشمه ایالت‌لری‌نینگ رواجلنتیریش اداری نماینده‌سی ویلیم هامنگ‌نینگ ایتیشیچه، امیریکه دولتی، اصلاحات خصوصیده کابل گزارشی‌نی تیکشیرگن‌دن کیین، بو پول‌نی افغانستان ملی بودجه‌سیگه توککن.
جناب هامنگ‌نینگ ایتیشیچه، افغانستان حکومتی امیریکه‌گه بیرگن سوزلرینی عمل‌گه آشیرگن و شونچه مدت‌ده تعیین ایتگن هدف‌لری‌گه ایریشگن. اونگه کوره، اوتگن ییل افغانستان حکومت رهبرلری‌نینگ سفری جریانیده، جمهور رییس اوباما، ینگی بیر رواجلنتیریش ریجه‌دن حمایت قیلیب و بو ریجه عمل‌گه آشیریلیشی خصوصیده 800 میلیون دالر اجره‌تگن ایکن. بو ریجه 400 بیرگه‌لیک اصلاحات لایحه‌دن عبارت بولگن.
افغانستان بوییچه امیریکه‌نینگ رواجلنتیریش اداره نماینده‌سی‌نینگ اورغولشیچه، مملکتی میلادی 2018- ییل اداغی‌گچه، هر ییل افغانستان حکومتی‌گه اصلاحات بولیمی‌گه یاردم بیریشی ممکن.
