امریکا قوشمه ایالت‌لری استخبارات اداره‌سی‌نینگ باشلیغی، مذکور مملکت‌نینگ سنامجلسی استخبارات کمیته‌سیگه بیرگن گزارشی‌ده، جاری ییل و 2018- ییل‌ده افغانستان امنیتی وضعیتی‌نی خواطرلی دیگن.
بیراق، حربی ایش بیلرمانلردن بیرقطاری‌نینگ ایتیشیچه، امریکا رسمی‌لری، مملکت‌لری‌نینگ ینگی ریجه‌سینی تطبیق ایتیش و افغانستانده کوچلرینی کوپه‌یتیریش اوچون بونده‌ی خواطرلرنی بیان قیله‌دیلر.
اوشبو ایش بیلرمانلرگه کوره، افغانستان توغریسیده امریکانینگ ینگی لایحه‌سی اوشبو مملکت جمهور رییسی‌گه یوباریلگن و جناب ترامپ، جاری هفته مذکور لایحه تصدیق‌لنیشی و یا-ده اوزگریشی توغریسیده قرار قیله‌دی و افغانستانده اوروش کیله‌جگی معلوم بوله‌دی.
حربی ایش بیلرمان کابل‌خان تدبیرنینگ سلام‌وطندارگه ایتیشیچه، امریکانینگ امنیتی رسمی‌لری، افغانستانده کوچلری کوپه‌ییشی‌نی ایسته‌یدیلر و شو یوزدن امریکانینگ جمهور رییسی‌نی قانیقتیریش اوچون سعی و حرکت قیله‌دیلر.
حربی ایش بیلرمانلردن باشقه بیری جنرال عتیق‌الله امرخیل‌نینگ ایتیشیچه، افغانستان وضعیتی‌گه قره‌گنده، کوپینچه منطقه‌ده دوام ایتماقده، امریکا وضعیت یمان بولیشی توغریسیده آگاه‌لنتیریشی اورنی‌ده اوروش آلدینی آلیب و ترورچی‌لرنینگ جایلرینی نشانگه آلیشی کیره‌ک.
ملی مدافعه وزیرلیگی سوزلاوچیسی جنرال دولت وزیری‌نینگ ایتیشیچه، مملکت‌ده 20 ترورچی گروه‌نینگ فعالیتی و بو گروه‌لر منطقه استخباراتی تامانیدن حمایه بولیشی سبب، مملکت اوروشی دوام ایته‌دی، بیراق افغان امنیتی کوچلری وضعیت‌نی جدی شکلده مدیریت قیله‌دیلر.
بو بیرینچی مرته ایمس کیم، امریکا استخباراتی وضعیت یمان بولیشی‌دن خبر بیره‌دی، بلکیم اوتگن ییل‌لرده هم امریکا و باشقه مملکت‌لر اوروش و ناتینچلیک‌لر کینگه‌ییشی‌دن خبر بیرگن‌لر، بیراق وضعیت اولر آگاه‌لنتیرگن دیک خواطرلی بولمه‌دی.
