افغان عیاللر ترماغی بیر اعلامیه ترقه‌تیب ایتیشلریچه، تینچلیک سوزلشوولریده اشتراک قیله‌دیگن کیشی‌لرنینگ بیلیش‌لری کیره‌ک کیم حربی کوچلر ترقه‌لیشی عیاللرنینگ قیزیل چیزیغی دیر و هیچ کیم گه بوندی بیر اِیش رخصتی بیریلمه‌سی کیره‌ک.
شونینگدیک افغان عیاللرنینگ ترماغی تیزلیکده یولگه قوییله‌دیگن مسکو ییغینی‌دن تنقید قیلیب ایتیشلریچه، بو ییغین‌ده افغانستان اهالی‌سیدن نماینده‌لیک قیله‌دیگن کیشی‌لر طالبان و داعش نینگ اورته گه چیقیشی گه سبب بولگن کیشی‌لر دیر و اولرنینگ طالبان گه قره‌گنده هیچ بیر یخشی‌لیگی یوق.
افغان عیاللری ترماغی اعضاسی حوریه مصدق‌نینگ ایتیشیچه، سوزلشوولرنینگ باشقه بیر تامانی مجاهدلر دیر و بیزلر اولرنینگ نماینده صفتیده قبول قیلمه‌ی میز.
باشقه بیر تاماندن مزارشریف شهری‌ده مدنی فعاللردن قطاری سوزلشوولر تامانیدن تینچلیک تامین‌لنیشی توغریسیده اهالی‌نینگ فکری آلینیشی نی سوره‌گنلر.
مدنی فعاللر افغانلر ارا سوزلشوولر اوستیگه اورغوله‌گنلر.
مدنی فعاللرنینگ ایتیشلریچه، افغانستان عیاللری کوپینچه عذاب چیککن و اولرنینگ تقدیری اویین آستیده آلینیشی قبول قیلینمه‌یدی.
آمریکا و طالبان آره‌سیده‌گی سوزلشوولر خرسندلیک‌لر یانیده اهالی اینیقسه عیاللرنینگ خواطرگه سالگن.
