کاپیسا امنیتی مسووللری‌نینگ ایتیشیچه، کاپیسا ولایتیده افغانیه دره‌سی 10 ییلدن سونگ طالبلر وجودی‌دن تازه‌لنگن.
201 سیلاب قول اردو قومندانلیگی‌نینگ 3- لوا قومندانی عبدالقادر روستایی‌نینگ ایتیشیچه، امنیتی کوچلر تامانیدن یولگه قوییلگن عملیات نیتیجه‌سیده، افغانیه دره‌سی طالبلر وجودی‌دن تازه‌لنیب و اوشبو گروه جنگریلریدن 10 قومندانی شامل 43 ته‌سی هلاک، 7 ته‌سی یره‌لنیب و باشقه 5 ته‌سی امنیتی کوچلر قولیگه توشگن.
اونینگ ایتیشیچه، مذکور عملیات‌ده 27 قیشلاق طالبلر وجودی‌دن تازه‌لنگن.
عین‌حالده، کاپیسا ولایتیده طبیعی واقعه‌لرگه قرشی کوره‌ش اداره باشلیغی محمدامین حیدری‌نینگ سلام‌وطندارگه ایتیشیچه، افغانیه دره‌سیده عملیات باشلنگن‌دن حاضرگه‌قدر 305 عایله جای‌سیز بولگن.
جناب حیدری گه کوره، جای‌سیز بولگنلر اقارب‌لری‌نینگ اوی‌لریده جای‌لشگن و یخشی وضعیتده حیات کیچیره‌دیلر؛ بیراق تیکشیریلگنی‌دن سونگ لازم همکارلیک‌لر صورت تاپه‌دی.
طالبان گروهی‌نینگ حاکمیتی آستیگه حیات کیچیره‌گن افغانیه دره‌سی یشاوچیلریدن بیرقطاری‌نینگ ایتیشیچه، اوشبو گروه جنگریلری یشاوچیلر اوستیگه ظلم قیلیب و اولردن عشر و زکات توپله‌ریکن.
سیلاب قول اردو قومندانی‌لیگی تامانیدن یولگه قوییلگن حربی عملیات نتیجه‌سیده، افغانیه دره‌سی طالبلر وجودی‌دن تازه‌لنیب و اوشبو گروه کوپ قطار مرکزیلری تخریب ایتیلگن.
