سیلاولر تیزیمی‌گه اصلاحات کیریتیش کمیسیون رسمی‌‍لری، سیاسی حزب‌لر نماینده‌لری اشتراکیده مملکت کیله‌جک سیلاولر تیزیمی قنده‌ی لیگی خصوصیده، (شنبه کون) بیر ییغینده بحث اوتکزدی.
سیلاولر تیزیمی‌گه اصلاحات کیریتیش خاص کمیسیون باشلیغی شاه سلطان عاکفی‌نینگ اوشبو ییغینده ایتیشیچه، انچه پیت‌دن بویان سیلاولر تیزیمی‌نی سیلش خصوصیده، ایکی گزینه بیری موازی سیلاو و ایکینچیسی ایسه نیچه تامانلمه نماینده‌لیک سیلاولر تیزیمی‌نی تیرگاوگه آلگن و حاضر اوشبو مسئله‌نی سیاسی حزب‌لر بیلن بحث‌گه آله‌دی.
جناب عاکفی‌گه کوره، موازی سیلاولر تیزیمی بیلن نیچه تامانلمه نماینده‌لیک سیلاولر تیزیمی‌نی اوزلریگه یره‌شه قولی‌لیگی و قیین‌چیلیگی بار و اولر سیاسی حزب‌لر نماینده‌لری‌نینگ مصلحتی و اویغونلیگی‌ده مملکت شرایطی‌گه ماس سیلاولر تیزیمی‌نی سیله‌یدی.
عاکفی‌نینگ کوپه‌یتیریشیچه، اولر سیاسی حزب‌لر، مدنی فعال‌لر، فعال عیال‌لر و حقوقدانلر اویغونلیگی‌ده عملی، منطقی و قانونی تیزیم اوستیگه کیلیشیش و افغانستان‌گه تینیق سیلاو اوتکزیلیشی و آواز بیره‌دیگن‌لر ایشانچی‌نی قولگه کیلتیریش خصوصیده سعی و حرکت قیله‌دی.
اوشبو کمیسیون اعضالریدن بیری محمدعلی امیری‌نینگ ایتیشیچه، سیلاولر تیزیمی عدالت، یشاوچیلر رضایتی، دموکراسی و مملکت امنیتی‌نی تأمین‌لشی کیره‌ک.
جناب امیری‌نینگ کوپه‌یتیریشیچه، نیچه تامانمله سیلاولر تیزیمی‌ده بیلشوو حوزه‌لری کینگه‌ییب، آواز بیره‌دیگن‌لر ایرکین صورتده آوازی بیریب و 85 فایز آواز ضایع بولیشی باشقریله‌دی. سیلاولر تیزیمی‌گه اصلاحات کیریتیش کمیسیونی‌نینگ اوشبو اعضاسی، نیچه تامانلمه نماینده‌لیک سیلاولر تیزیمی‌نی مملکت حاضرگی شرایطی‌گه مناسب دیب بیله‌دی.
سیلاولر تیزیمی‌گه اصلاحات کیریتیش کمیسیون رسمی‌لری‌نینگ ایتیشیچه، اولر کیله‌سی کونلرده مدنی فعال‌لر، فعال عیال‌لر و باشقه سیلاو قوریلمه‌لری بیلن افغانستان کیله‌جک سیلاولر تیزیمی قنده‌ی لیگی خصوصیده بحث اوتکزیشی ممکن.
