افغانستان پارلمانی تامانیدن روسیه گه بیرهیأت یوباریلدی. اوشبو هیأت چهارشنبه کون کیچ قورون پارلمان ایکینچی اورین باسری نذیر احمدزی ریاستی ده، روسیه دن حربی یاردم سوره ش خصوصیده مذکور مملکت گه سفر قیلدی. جناب احمدزی سلام وطندار بیلن اوتکزگن صحبتیده، اوشبو سفردن مقصد مذکور مملکت نی افغانستان گه هجوم اویوشتیرگن چاغیده، قیته قوریش گه احتیاجی بولگن هوایی و حربی جهازلر قالدیق لرینی قیته تاپشیرمس دن حربی یاردم جذب ایتیش دییدی.
احمدزی گه کوره، امیریکه رسمی لری بیلن روسیه یاردم لری خصوصیده بولگن خواطرلرنی رفع ایتیش اوچون بحث اوتکزگن و امیریکه قوشمه ایالت لری نینگ بو توغریده هیچ بیر قیین چیلیگی یوق دیر. اونینگ ایتیشیچه، بو سفرده روسیه رسمی لریدن باشقه بیره دیگن یاردم لرینی کیشی ایمس، بلیکم ایرکین صورتده افغانستان دولتی گه بیریشی نی سوره یدی.
احمدزی نینگ کوپه یتیریشیچه، حکومت رهبرلری تامانیدن رخصت بیریلمس دن روسیه حربی لری تامانیدن عملیات یولگه قوییلیشی خصوصیده خواطرلر موجود، بیراق اولر هیچ قچان افغانستان توپراغی گه بونده ی بیرعملیات یولگه قوییلیشی خصوصیده رخصت بیرمه یدی.
بوندن آلدین، جمهور رییس بیرینچی اورین باسری جنرال عبدالرشید دوستم، روسیه گه سفر قیلیب و مذکور مملکت دن افغانستان اوچون حربی یاردم بیریشینی سوره گن ایدی. روسیه رسمی لری هم اوشبو اوچره شووده افغانستان ده تروریسم گه قرشی کوره شیش خصوصیده یاردم بیریش گه سوزبیرگن.
ایکی کون آلدین افغانستان بوییچه روسیه ایلچیسی الکساندر مانتیسکی، ملی خوفسیزلیک کینگشی مصلحتچیسی حنیف اتمر بیلن اوچره شیب ایتیشیچه، روسیه، افغانستان حربی لریگه یاردم بیره دی.
گزارشلرگه کوره، انچه پیت آلدین مذکور مملکت جمهور رییسی ولادیمیر پوتین، روسیه حربی رسمی لری بیلن افغانستان گه حربی یاردم بیریش خصوصیده بحث اوتکزگن. اوشبو گزارشلرده کیلیشیچه، روسیه حربی یاردم لرگه قوشیمچه افغانستان حربی سی‌گه تیک اوچر هم بیره دی.
شونینگدیک افغانستان بوییچه روسیه نینگ خاص نماینده سی ضمیر کابلوف نینگ ایتیشیچه، حاضر روسیه رسمی لری بحث اوتکزماقده و بو بحث نتیجه بیرگن صورتده، افغانستان رسمی لری هم بو بحث گه قوشیلیشی ممکن.
