اوتگن هفته‌گی سردارمحمد داوودخان کسلخانه‌سیده اویوشتیریلگن هجوم مسؤولیتینی داعش جنگریلری بوینیگه آلگن ایدی، بیراق اجراییه باشلیغی عبدالله عبدالله نینگ، بوحادثه و مملکت بویلب باشقه عصیانچی هجوملر اصلی عاملی طالبلر دیدی؛ نیگه که اونگه کوره، باشقه گروه‌لرگه بوزغونچ فعالیت قیلیش فضاسینی طالبلر آچگن.
بوگون وزیرلر کینگشی اولتیریشیده قتنشکن عبدالله عبدالله نینگ ایتیشیچه، سردار محمد داوود خان کسل خانه‌سیده یوز بیرگن پارتلش هجومی ممکلت‌ده اینگ یامان عصیانچی فعالیت‌لریدن بیری بولگن.
امنیتی رسمیلر استیضاح قیلینسین
مجلس نینگ بوگونکی اولتیریشیده، کینگش اعضاسی سردارمحمد داوودخان کسلخانه‌سیده اویوشتیریلگن هجوم‌گه ایشلریگه غفلت قیلگن امنیتی و دفاعی رسمیلرنینگ استیضاح قیلینیشی‌نی طلب قیلگن.
نواب منگل، مملکت امنیتی وضعیتینی قانیقتیره‌رلی ایمس، امنیتی رسمیلر ایشلریگه غفلت قیلیشی دلیل کون اوتیشی بیلن امنیت یمان بولیب بارماقده دیدی.
جناب منگل، حربی کسلخانه‌سیده هجوم بولگن مملکت‌لر امنیتی رسمیلری استعفا بیره‌دی، بیراق افغانستان امنیتی رسمیلری بو ایشنی قیلمه‌دی و وزیرلرنی استیضاح قیلیب اولرنی ایشدن آلیش مجلسنی ایشی بولگن دیب تأکید قیله‌دی.
اما نماینده‌لردن کوپیسی وزیرلر استیضاح قیلینیشی ایچیش یول ایمس دیب، مجلسده آدملر تاپیله‌دی بو ایشدن استفاده قیلیب وزیرلردن امتیاز آله‌دیلر دیب ادعا قیله‌دیلر. اولرگه کوره، کوپلب بوزوقلرده مجلس اعضالری نینگ قولی بار.
مجلس اعضالریدن باشقه بیری نادرخان کتوازی نینگ ایتیشیچه، مملکت امنیتی یخشی لنیشینی ایسته یدیگن نماینده‌لر، بیرینچیدن امنیتی نهادلرنی زورمندلر قولیدن قوتقریشلری لازم.
شونینگدیک امنیتی رسمیلر استیضاح بولینیشینی ایسته‌یدیگن وکیللر امضا ییغیش‌گه حرکت قیلدیلر. بیراق اولتیریش اداغیده مجلس باشلیغی عبدالرؤوف ابراهیمی امنیتی رسمیلرنینگ استیضاح بولیشی اوچون 46 امضا ییغیلگن و ایکی امضا کم بولگنی اوچون بوباره‌ده تصمیم آلمیمن دیدی.
جناب ابراهیمی نینگ کوپه‌یتیریشیچه، ایرته کمیته‌لر باشلیغی اولتیریشیده امنیتی رسمیلرنینگ استیضاح‌سی اوچون 20 فایز امضا تکمیل بولسه، بوموضوع مجلس آجنداسیگه آلینه‌دی.
