ایچکی ایشلر وزیرلیگی نینگ ایتیشیچه، بوگون ایرته‌لب کابل شهری نینگ ایریم بولیمیده نیچه راکت آتیلگن.
افغانستان نینگ ایرکین‌لیک کونیدن نشانله‌نیش بیر حالده، پایتخت نیچه راکتی هجوم گه شاهد بولگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، بوگون (سه‌شنبه ۲۸- اسد) ساعت ۹:۳۰ اطرافیده ۱۴ راکت کابل شهری نینگ ۱-، ۲-، ۱۰، ۹- و ۱۶- خوفسیزلیک حوزه‌سی نینگ ایریم بولیمیده اصابت قیلگن.
جناب آرین گه کوره، راکتلر یشش اوی‌لرگه اصابت قیلگن کیم ۴ باله و بیر عیال شامل ۱۰ کیشی یره‌لنگن.
جناب آرین نینگ کوپه‌یتیریشیچه، مذکور راکتلر کابل شهری نینگ ۸- و ۱۷- حوزه‌سیدن ایکی تیز یوروچی موتر دن آتیلگن و بو حادثه توغریسیده ایکی شبهه‌لی کیشی ۱۷- خوفسیزلیک حوزه‌سیدن قولگه آلینگن.
حاضرگچه طالبان شامل هیچ بیر گروه حادثه مسئولیتی نی بوینیگه آلمه‌گن.
شونده‌ی بیرحالده، بوکون افغانستان ایرکین‌لیگی نینگ ۱۰۱- ییل‌لیگی دیر.
بوگون ایرته‌لب جمهوررئیس غنی قطار حکومتی رسمیلرنینگ حضوری بیلن بیر مراسم آرقه‌لی مدافعه وزیرلیگی نینگ اطرافیده‌گی ایرکین‌لیک مناریده گل قوییش بیلن بوکون نی نشانله‌دی.
