چیگره بیلمس خبرچیلر خلق ارا تشکیلاتی نینگ ینگی گزارشی گه کوره، افغانستان میلادی 2019- ییل‌ده مکزیک و سوریه مملکت‌لریدن سونگ، خبرچیلر اوچینچی هلاکت‌لی مملکت بولگن.
اوشبو گزارش اساسیده، میلادی 2019- ییل باشلنگنیدن بویان، مکزیک ده 10 خبرچی، سوریه ده 10 خبرچی، افغانستانده 5 خبرچی، پاکستانده 4 خبرچی و سومالیاده 3 خبرچی هلاک ایتیلگن.
چیگره بیلمس خبرچیلر خلق ارا تشکیلاتی، افغانستان نینگ خبرچیلر اوچون اوچینچی خوفلی مملکت تانیشتیرگن، بیراق اورغولشیچه، افغانستان خبرچی‌لری نینگ قربانلیگی اوتگن ییل‌لرگه نسبتن کمه‌یگن.
بو گزارش نینگ باشقه بیر بولیمی‌ده افغانستانده خلق ارا میدیالری نینگ حضوری و گزارش بیریشی کمه‌یگنیدن خواطر بیلدیریلیب و ایتیلیشیچه، چیت‌ایللیک خبرچی‌لردن کوپینچه‌سی ناتینچلیک باعث، افغانستان نی ترک قیلیشگن.
چیگره بیلمس خبرچیلر تشکیلاتی نینگ معلوماتی اساسیده، افغانستانده میلادی 2018- ییل‌ده 16 خبرچی، میلادی 2017- ییل‌ده 15 خبرچی و میلادی 2016- ییل‌ده 10 خبرچی هلاک ایتیلگن.
اوشبو گزارش‌ده کوپه‌یتیریلیشیچه، جاری میلادی ییل‌ده دنیا بویلب توپلم شکلده 49 خبرچی هلاک ایتیلگن و بو رقم اوتگن ییل‌گه نسبتن 44% کمه‌یگنینی کورسته‌دی.
مذکور تشکیلات گه کوره، جاری ییل‌ده دنیا بویلب 389 گزیته‌چی قولگه آلینیب و باشقه 57 خبرچی گروگه آلینگن.
افغانستان بوییچه ایرکین میدیالردن حمایت قیلووچی دفتر یا-ده نی تشکیلاتی نینگ میدیالرنی کوزه‌تیش بولیم مسؤولی نوید محمدی نینگ سلام‌وطندارگه ایتیشیچه، میلادی 2019- ییل‌ده خبرچیلرگه قرشی زوروانلیک و اولیم کمه‌یگن، بیراق خبرچیلر و میدیا فعاللری سِرلی شکلده ترور ایتیلیشی حاضرگه‌قدر دوام ایتماقده.
نی تشکیلاتی نینگ مسؤوللری تامانیدن بیریلگن رقم اساسیده، میلادی 2019- ییل‌ده خبرچیلر و میدیا فعاللری نینگ اولیمی توغریسیده 10 قضیه رویخط‌گه آلینگن و اوتگن ییل‌ده ایسه افغانستانده 20 خبرچی و میدیا ایشلاوچیسی هلاک ایتیلگن.
شو توغریده…
خبرچیلرگه قرشی زوره‌وانلیک اوتگن ییل‌نی آلتی آیی‌گه نسبتن 22% کوپه‌یگن
