بوگون «دوشنبه» کابل‌ده خبری بیر ییغین اوتکزگن افغانستان قوتقریش کینگشی باشلیغی سیداکبرآغانینگ ایتیشیچه، قطرده آمریکا و طالبان نماینده‌لری آره‌سیده 8- دور تینچلیک سوزلشوولری دوام ایتماقده و اونینگ یکونلنیش زمانی حاضرگچه بیللی بولمه‌گن.
اونگه کوره، آمریکا و طالبان نماینده‌لری تینچلیک جریانی توغریسیده باشقه ییغین‌لر هم یولگه قوییشی ممکن و شو یوزه‌دن تینچلیک جریانی گه اولویت بیریلیشی کیره‌ک و تینچلیک سوزلشوولری نتیجه بیرگونگه‌قدر سیلاو یولگه قوییلمه‌سی کیره‌ک.
افغانستان‌نی قوتقریش کینگش باشلیغی نینگ کوپه‌یتیریشیچه، زلمی خلیلزاد بیلن اوچره‌شگنده هم سیلاوگه نسبتن تینچلیک‌که اولویت بیریلیشی نی ایتگن.
شونینگدیک، افغانستان‌نی قوتقریش کینگش شرطنامه‌سیده، تینچلیک افغانستان اهالیسی نینگ بیرینچی و اساسی نیازلریدن بیری صفتیده ایسلنگن و حکومت بیلن طالباندن تینچلیک سوزلشوولری نتیجه‌گه ایریشی اوچون ایکی تامان محبوسلرنی قوییب یوباریش‌لرینی سوره‌گن.
افغانستان‌نی قوتقریش کینگش اورین باسری عبدالودود صدیقی نینگ ایتیشیچه، تینچلیک‌که اولویت بیریلگن صورتده، سیلاو هم یخشی نتیجه بیریب و بوتون خلق تامانیدن قبول قیلینه‌دی.
شونینگدیک، بوندن آلدین، جمهورلیک ریاست نامزدلریدن بیرقطاری نینگ ایتیشیچه، تینچلیک امکانی بولگن صورتده، سیلاوگه نسبتن تینچلیک‌که اولویت بیریلیشی کیره‌ک.
اوشبو موضوع توغریسیده جمهورلیک ریاست سرایی نینگ فکرینی اورگه‌نیش اوچون علاقه قوردیک، بیراق تکراری قونغیراقلر نتیجه‌سیده مؤفق بولمه‌دیک. شونده‌ی بیر حالده، بوندن آلدین حکومت نینگ نیچه مرته اعلان قیلیشیچه، اولر اوچون سیلاونینگ اولویتی بار و هر بیر حالت‌ده سیلاو یولگه قوییله‌دی.
شو توغریده…
