مالیې وزارت نن له نړېوال بانک سره د ۴۰۳ میلیونو ډالرو وړیا مرستو هوکړهلیک لاسلیک کړ.
د مالیې وزارت او نړېوال بانک مسوولان وايي، د یادو وړیا مرستو ډېره برخه به په وروسته پاتې ولایتونو کې لومړنیو زدهکړو ته د ماشومانو، په ځانګړي ډول نجونو لاسرسي برخې کې ولګول شي.
د مالیې وزارت سرپرست محمدهمایون قیومي وايي، د یادو مرسته شویو پیسو ۲۹۸ میلیونه ډالر به زدهکړو ته ځانګړي شي.
په همدې حال کې د افغانستان لهپاره د نړېوال بانک رییس شبهام چوهدري وايي، د افغانستاني نیمايي ښوونځي ودانۍ نهلري او زدهکوونکي یې باران او لمر ته زدهکړې کوي؛ نو د دې پروګرام په لومړي ګام کې به د ښوونځیو لهپاره ودانې جوړې شي.
بلخوا د پوهنې وزارت سرپرست میرویس بلخي وايي، ۷،۳ میلیونه ماشومان به له دغو مرستو برخمن شي.
د مسوولانو په وینا، د دې پروګرام ځینې پروژې به په ۲ کلونو او ځینې نورې به یې په ۵ کلونو کې عملي شي.
