.jpg)
د افغانستان فوټبال ملي لوبډلې د فیصل شایسته په لوبډلمشرۍ او د انوش دستګیر په روزنه کې نن د مالیزیا په کوربتوب سیالۍ کې د عمان پر وړاندې ستره ماتې وخوړه او په روان جام کې له مخکې تګه پاتی شوه.
افغان فوټبال ملي لوبډلې نن د مالیزیا په کوربتوب په (ایرمرین) فوټبال ټورنمېنټ کې لومړۍ لوبه له عمان فوټبال ملي لوبډلې سره وکړه چې ۵ د صفر ګول پر وړاندې پهکې له سترې ماتې سره مخ شوه.
د افغانستان خلاف سیالۍ کې عبدالعزیزالمقبالي، محمد الشیبه، راید ابراهیم، مسلم عمکان، او احمد کانو د عمان فوټبال ملي لوبډلې په ګټه ګولونه ووهل او ښه وځلېدل.
.jpg)
د لوبې بایللو وروسته د افغانستان فوټبال ملي لوبډلې روزونکي انوش دستګیر وویل چې نوموړی که څه هم په روزنه کې نوی دی؛ خو دا یې د روزنې بدترینه لوبه وه.
د ښاغلي دستګیر په وینا، افغان لوبغاړي د اروپا له یخو هېوادونو راغلي وو چې د نږدې ۳۵ حرارت لرونکي مالیزیا اب هوا سره یې ډېره بلدتیا نهلرله.
د افغان روزونکي په خبره، افغان لوبډله ستړې وه؛ خو بیا هم د دې ماتې لهپاره کوم دلیل نهلري او دا ماته باید هېره کړي او راتلونکې لوبې لهپاره تری زدهکړه وکړي.
.jpg)
انوش دستګیر وویل چې عمان له افغان فوټبال ملي لوبډلې څخه د فوټبال نړۍوالې شورا په درجهبندۍ کې ۶۰ درجې مخکې دی؛ خو د افغانستان لوبډلې ستونزه تخنیکي او یا تکتیکي نه بلکې له بېلابېلو هېوادونو څخه د افغان لوبغاړیو راغوښتل او د یوې لوبډلې په توګه په کم وخت کې د هغوی منسجمول وو.
ټاکل شوې افغان فوټبال ملي لوبډله راتلونکې شنبې د مارچ په ۲۳مه د مالیزیا او سنګاپور ترمنځ د نن شپې له بایلونکې لوبډلې سره د درېیم مقام ترلاسه کولو لهپاره سیالۍ وکړي.
دغه راز د افغانستان خلاف ګټونکي عمان فوټبال ملي لوبډله به د سنګاپور او مالیزیا فوټبال ملي لوبډلو ترمنځ د نن شپې ګټونکې لوبډلې سره د اتلولۍ جام ګټلو لهپاره د راتلونکې شنبې په ورځ فاینل لوبه وکړي.
