د المان دغې مخکښې فوټبال لوبډلې (والفربرګ) لوبډلې ته د یوې په زړه پورې او یو اړخیزې لوبې وروسته ۶ د ۰ ګول په وړاندې ماتې ورکړه او د سرپه سر پنځم ځل لهپاره یې د اتلولۍ جام وګاټه.
پهدې سترې بریا سره بایرن مونیخ فوټبال کلب د ګډون کوونکو ۱۸ لوبډلو په کتار کې یو ځل بیا لومړی مقام او د اتلولۍ جام ترلاسه کړ، خو لا یې په روانو سیالیو کې ۳ لوبې پاتې دي.
د سیالیو د رسمي ویبپاڼې د معلوماتو له مخې، د المان په فوټبال لومړۍ لیکه (بونډیسلیګا) سیالیو کې دا د بایرن مونیخ لوبډلې ۲۷مه اتلولي وه چې د نورو لوبډله په پرتله یې دغه جام ډیر ګټلی دی.
دغه راز په وروستۍ اتلولۍ سره د یادې لوبډلې کپتان ۳۳ کلن فیلیپ لام هم د یاد کلب په تاریخ کې هغه مخکښ کپتان شو چې زیاتې ۸ اتلولۍ په خپلې کپتانۍ کې ترلاسه کوي او ددغو لوبو وروسته به له لوبو سره هم مخه ښه وکړي.
بایرن مونیخ د سږ کال په فصل کې ۳۱ سیالۍ ترسره کړی، ۷۹ ګولونه یې د سیالو لوبډلو خلاف ترسره کړل ۱۷ ګولونه پرې ترسره شول او په ټولو لیګ سیالیو کې یې یوازې په ۲ سیالیو کې یې د خپلو سیالانو په وړاندې ماتې وخوړې.
د بایرن مونیخ اوسنی روزونکی ایټالیوي انسیلوټي د فوټبال په ډګر کې لومړی روزونکی شو، چې په رونه کې یې بیلا بیلې لوبډلې د نړۍ د ۵ معتبرو لیګونه ۴ اتلولۍ ګټلي.
د نوموړي په روزنه کې چیلسي د انګلستان فوټبال غوره لیګ، ایسي میلان د ایټالیې فوټبال غوره لیګ او پاریس سینټ جرمن د فرانسې فوټبال غوره لیګ فوټبال سیالیو اتلولۍ هم ګټلي دي.
که څه هم الماني فوټبال کلب روانه پیړۍ د خپل هیواد په بونډیسلیګا سیالیو کې برلاسه ده، خو تراوسه یې یواځې ۲ ځلې د اروپا فوټبال کلپونو (چمپینزټرافي) اتلولۍ ګټلي دي.
دغه راز والفزبرګ لوبډله بیا په ۲۰۱۵کال کې د المان بونډیسلیګا سیالیو کې په دویم مقام ګټلو او دغه راز دغه کال د اروپا فوټبال کلپونو اتلولۍ لیګ کوارټرفاینل لوبه کې ریال ماډریډ ته هم ۲ د ۰ ګول په وړاندط ماتې ورکولو کې بریالۍ شوې وه.
یاده لوبډله د سږ کال د بونډیسلیګا سیالیو کې لاهم ۳ سیالۍ لري، اوسمهال په ۱۴م مقام کې ځای لري او له دغه سیالیو څخه د پاتې کیدو له ویرې سره مخ ده، ځکه ۱۷ او ۱۸ مقام لرونکې لوبډلې به د بونډیسلیګا دویم پړاو سیالیو ته ښکته شي.
