افغانستان دولتی و طالبان آره‌سیده بولگن بیرینچی تینچلیک سوزلشوو ملی مصالحه کینگشی باشلیغی عبدالله عبدالله نینگ صحبتی بیلن باشلندی.
اوشبو سوزلشووده آتیش‌کیسین و سیاسی کیلیشوونامه خصوصیده بحث قیلینیشی ممکن.
ملی مصالحه کینگشی باشلیغی عبدالله عبدالله نینگ سوزلشوولر باشله‌نیشیده ایتیشیچه، او و افغانستان هیاتی 40 ییللیک اوروش‌نی یکونلنتیریش اوچون دوحه‌گه کیلگن.
اوشبو ییغینده ملا عبدالغنی برادرنینگ ایتیشیچه، اولر ایرکین و بوتون یشاوچی‌لر ایناغه شکلده تیریکچیلیک قیله‌دیگن اسلامی نظام گه ایگه بولگن افغانستانی ایسته‌یدیلر.
شونینگدیک، آمریکا تشقی ایشلر وزیری مایک پمپئو، اوشبو ییغینی افغانستان اهالیسی اوچون تاریخی بیر فرصت عنوان قیلگن. اونینگ ایتیشیچه: «آیدین‌لیککه قره‌گنیمیزده، افغانستانده اوروش جریانیده بولگن بدبخت‌لیکلرنی ایسله‌یمیز.»
آمریکا تشقی ایشلر وزیری نینگ ایتیشیچه: « سیز (دولت و طالب) قرار قیلینگیزلر و کیله‌جک سیستم‌نی انتخاب قیلیش سیزلرنی قول‌لرینگیزگه. او، اوشبو ییغینده قدرت مسالمت‌آمیز شکلده انتقال تاپیشی اوچون سیلاونی اساسی یول عنوان قیلگن.
پمپئو نینگ کوپه‌یتیریشیچه: «افغانستان نینگ کیله‌جک فصلی‌نی سیزلر (افغانستان دولتی و طالبان) یازه‌سیزلر. اونینگ تاکید قیلیشیچه: سیزلرنی قرارلرینگیز خلق ارا یاردم‌لری نینگ دوام قیلیشی‌نی تعیین قیله‌دی.»
آمریکا تشقی ایشلر وزیری، اوشبو فرصت دن یخشی شلکده فایده‌لنیش کیره‌ک دیب و ایکی تاماندن بیربیراولریگه حرمت قیلیشنی سوره‌گن.
شونینگدیک، ترکمنستان تشقی ایشلر وزیری نینگ ایتیشیچه، مملکتی افغانستان‌لیکلر ارا سوزلشوولردن میزبان‌لیک قیلیشنی ایسته‌یدی.
اونینگ تاکید قیلیشیچه، ترکمنستان، سوزلشوولر یولگه قویلیشی اوچون بوتون شرایط لرنی یره‌تیش‌گه تیار دیر.
ترکمنستان تشقی ایشلر وزیری افغانستان‌لیکلر ارا سوزلشوولر باشلهنیشینی افغانستانده تینچلیک و ثبات تامین‌لنیشی اوچون اونملی عنوان قیلگن.
عین‌حالده، چین تشقی ایشلر وزیری نینگ ایتیشیچه، افغانستاندن چیت‌ایللیک کوچلرنینگ چیقاریلیش جریانی‌نی منظم شکلده صورت تاپیشی کیره‌ک. اونینگ کوپه‌یتیریشیچه، افغانستانده بولگن جنجل‌لرنی تیزلیککه حل ایتیلیشیدن امیدوار دیر.
اوشبو ییغینده ناتو باش کاتبی ینس استولتنبرگ نینگ ایتیشیچه، افغانستان دهشت تشلاوچی‌لر اوچون تینچ مکان ایمس.
ینس استولتنبرگ نینگ کوپه‌یتیریشیچه، افغانستانده کیشی‌لر بیهوده قربان بولمه‌گن و حاضرده افغانستان دهشت تشلاوچی‌لر اوچون تینچ اوی ایمس.
پاکستان تشقی ایشلر وزیری شاه‌محمود قریشی نینگ ایتیشیچه، اوشبو تاریخی پیتده اوتگن خطالرنی تکرار قیلینمه‌ی و دنیا افغانستانی یالغیز قویمه‌یشی کیره‌ک. اونینگ کوپه‌یتیریشیچه، افغانستان‌لیکلر مالکیتی‌گه بولگن تینچلیک نتیجه‌سیگه حرمت قیلیش کیره‌ک. قرشی نینگ تاکید قیلیشیچه، افغانستان رهبرلری قولگه کیلگن فرصت دن یخشی شکلده فایده‌لنیسین.
عین‌حالده، هند تشقی ایشلر وزیری سوبراهمانیام نینگ ایتیشیچه، افغانستانده زوروانلیکلر دوام قیلیشی اوچون رخصت بیریلمه‌سین.
اونینگ تاکید قیلیشیچه، هرقنده‌ی تینچلیک جریانی افغانستان‌لیکلر رهبرلیگی‌گه و افغانستان‌لیکلر تیگیشلی بولسین.
اوشبو ییغینده بیرلشگن ملت‌لر تشکیلاتی نینگ باش کاتبی آنتونیو گوترش نینگ ایتیشیچه، تینچلیک جریانی هرکیم‌نی امیدوار قیلگن وتینچلیک تامین‌له‌نیشی بیلن افغانستان‌لیک مهاجرلردن مینگ‌لرچه‌سینی افغانستانگه قیته‌دیلر.
اونینگ کوپه‌یتیریشیچه، افغانستانده تینچلیک تامین‌له‌نیشی خصوصیده زمینه یره‌تیلگن و سوزلشوولر آجنداسینی افغانستان‌لیکلر تامانیدن بیللی قیلینیشی کیره‌ک.
آلمان تشقی ایشلر وزیری هایکو ماس نینگ افغانستان‌لیکلر ارا سوزلشوولرنی باشلهنیش مراسمیده ایتیشیچه، مذکور سوزلشوولرنی قیین بولیشی ممکن، بیراق ایستکلر کوپ دیر.
اونینگ ایتیشیچه، یالغیز افغانستان یشاوچی‌لری، اوز کیله‌جکلری خصوصیده قرار قیله آله‌دی و آلمان سوزلشوولر یوتوق‌لیگی اوچون سعی و حرکت قیله‌دی.
طالبان هیاتی نینگ اورین باسری شیرمحمدعباس استانکزی نینگ ایتیشیچه، آتیش‌کیسین سوزلشوولرده مطرح قیلینگن موضوع دیر.
اسلامی همکارلیکلر تشکیلاتی هم افغانستان‌لیکلر ارا سوزلشوولردن حمایت بیلدیرگن
اسلامی همکارلیکلر تشکلاتی نینگ باش کاتبی یوسف العثیمین نینگ ایتیشیچه، اوشبو تشکیلات هردایم افغانستانده اوروش طرف‌لردن قیینچیلیکلرنی حل قیلیش اوچون مذاکره قیلیش‌لرینی سوره‌گن.
او، افغانستان تینچلیک جریانی نتیجه بیریشیدن امیدوارلیک بیلدیرگن.
کرزی: مذاکره قیلیووچی طرف‌لر کته ملی منفعت‌لرنی محدود و کیچیک ایستک‌لرگه ترجیع بیرسین‌لر
افغانستان سابق جمهور رییسی حامد کرزی، افغانستان‌لیکلر ارا سوزلشوولر باشلهنیشینی مملکتده اوروش یکونلهنیشی و تینچلیک تامین‌له‌نیشی اوچون واقعی فرصت عنوان قیلگن.
سیما سمر: آتیش‌کیسین ده اعتماد ایجاد قیلیش اوچون اهالی‌گه خوش‌خبرلیک بیریلسین
انسان حقوقی بوییچه دولت وزیری سیما سمر نینگ توییتر صحیفه‌سیده یازیشیچه: «بوگون 42 ییل اوروش دن سونگ، تینچلیک تامین‌لنیشی اوچون امیدوار بولگن. مذاکره قیلیووچی طرف‌لرنی انسان حقوقی، برابرلیک و انسانی کرامت ارزش‌لریدن حمایت قیلیشیدن امیدوارلیک بیلدیره‌میز و آتیش‌کیسین‌گه زمینه یره‌تیلیشی اوچون تیزلیککه اهالی‌گه خوش خبرلیک بیریلسین.»
ایران تشقی ایشلر وزیرلیگی افغانستان‌لیکلر ارا سوزلشوولر باشلهنیشینی خوش قرشی‌لگن
ایران تشقی ایشلر وزیرلیگی نینگ بیر اعلامیه نشر قیلیب ایتیشیچه، اوشبو مملکت افغانستان دولتی و طالبان آره‌سیده مذاکره باشلهنیشینی خوش قرشی‌لب و مذکور سوزلشوولرده هیچ‌قنده‌ی دخالت صورت تاپمه‌ی و افغانستانده دایمی تینچلیک تامین‌لنیشیدن امیدوارلیک بیلدیرگن.
