افغانستان اوزاق مدت آلیب بارگن سعی وحرکت‌دن کیین جولای آیی‌نینگ ییگیرمه توقیزینچی‌سی جمعه کونی دنیا خلق ارا تجارت تشکیلاتی‌گه رسماً اعضا بولدی. افغنستان بو تشکیلات‌نینگ 164 اعضاضی صفتی‌ده رویخط‌گه آلیندی. حکومت‌نینگ بلند مرتبه‌لی رسمیلری افغانستان بو تشکیلات‌گه اعضا بولیشی بیلن ترانزیت بولیمی‌ده بولگن قیین‌چیلیک حل بولیشی توغریسی‌ده امید بیلدیرگن‌لر.
اما، ساحه‌نینگ بیر قطار مختصص‌لری افغانستان دنیانینگ خلق ارا تجارت تشکیلاتی‌گه اعضا بولیشی قیسقه مدت‌ده ایجابی نتیجه آلیب کیلمس لیگینی ایتیب، ایریم معمالر بیلن روپه ره بولیشینی بیلدیرگن‌لر.
بیلیم یورت استادی همده اقتصاد بوییچه متخصص سیف‌ا‌لدین سیحون‌نینگ سلام‌وطندارگه ایتیشیچه، مملکت اقتصادی و تجاری اداره‌لری‌نینگ ضعیف‌لیگی سبب بو ممملکت دنیا خلق ارا تجارت تشکیلاتی ده بعضی بیر معمالر بیلن دوچار بوله‌دی. جنب سیحون، افغانستان اوز ایچکی محصولات‌لری بیلن دنیا بازاری بیلن رقابت قیله آلمه‌گن حالده، بو بازارنینگ ییریک فایده‌لریدن محرم قاله‌دی دیگن.
جناب سیحون‌گه کوره، مملکت بو تشکیلات‌گه اعضا بولیشی بیلن خلق ارا هم‌جمعیت تجارت تعرفه‌سی بیکار ایتیلیشی‌نی کوتیش کیره‌ک دیگن. چونکه دنیا تجارت تشکیلاتی‌گه اعضا بولگن هر بیر مملکت کومک‌لر همده تجارتی تعرفه‌لردن محروم قاله‌دی.
اما، تجارت وزیرلیگی‌نینگ سوزلاوچی‌سی مسافر قوقندی‌نینگ سلام‌وطندارگه ایتیشیچه، افغانستان دنیا تجارت تشکیلات اعضالیگی‌نی قولگه کیریتیش بیلن ایچکی محصولات‌لر آیشی، ترانزیتی معمالر برطرف بولیشی و افغنستان دنیا بازارلری بیلن قوشیله‌دی. قوقندی افغنستان بو تشکیلات‌گه اعضا بولیشی بیلن 1.5دن 3%گچه مملکت اقتصادی رواجلنه‌دی دیگن.
افغانستان تجارت و صناعت وزیرلیگی‌نینگ سوزلاوچی‌سی، افغانستان بو تشکیلات‌گه اعضا بولیشی بیلن مملکت‌ده خارجی سرمایه‌لر یاتقیزیلیشی بیلن ایش جای‌لری یره تیله‌دی دیگن.
دنیا تجارت تشکیلاتی‌نینگ 163 اعضاسی بار. ایران‌دن تشقری افغانستان‌نینگ بوتون قوشنی مملکت‌لری بو تشکیلات اعضالیگی‌نی کسب قیلگن.
