«افغانستان تشقی سیاست» کتابی؛ افغانستان استراتیژیکی مطالعه مرکزی تامانیدن 11 یازووچی کیشی‌سی‌نینگ بیر ییل‌لیک محصولی بولیب، مملکت تشقی ایشلر وزیرلیگی تامانیدن ترقه‌تیلدی.
بو کتاب اوز قسمی‌گه قره‌گنده، افغانستان تشقی علاقه‌لری و سیاسی مطالعه‌لر حوزه سیده بولگن منسجم فکرلرنی آلیش خصوصیده یازیلگن کتاب‌لرنی بیر بولیمی بولیب یازیلگن.
افغانستان تشقی سیاست استراتیژیکی مطالعه باشلیغی داکتر فرامرز تمنانینگ سلام‌وطندارگه ایتیشیچه، بوندن آلدین افغانستان‌نی خلق ارا علاقه‌سی و تشقی سیاست آقیمی، تنقیدی سیاست ایکن و افغانستان باشقه مملکت‌لر بیلن بولگن علاقه سیگه فعال‌سیز صورت‌ده کورینر ایکن؛ بو کتاب تنقیدی سیاست‌نی، ایجابی و فعال سیاست‌گه اوزگرتیره‌دی.
جناب تمنا، «افغانستان تشقی سیاست» کتابی ترقه‌تیلیشی‌دن مقصد مملکت‌ده سیاسی توشینچه‌لرنی آچیق‌لش دیب ایتیشیچه، بیزلرنی تشقی سیاستی‌میز وقتینچه‌لیک بولیب ایجابی فعالیت‌لردن کیین‌گه قالگن.
آلدینکی ییل‌لرده هم افغانستان تشقی سیاستی توغری سیده کتاب‌لر چاپ بولیب ترقه‌تیلگن ایدی؛ بیراق جناب تمناگه کوره، بو اثرلردن کوپینچه‌سی بیر تمانلمه بولیب، افغانستان‌نی دنیا و منطقه‌یی علاقه‌لری و سیاستی توغری‌سیده منسجم فکر بیریلمه‌گن ایکن.
بو کتاب‌ده مملکت حاضرگی سیاسی، اجتماعی، مدنی و اقتصادی وضعیت‌لری کوزه‌تیلیب، افغانستان‌نی منطقه و دنیاده‌گی اورنی، تشقی علاقه‌لری و سیاستی خصوصیده فکر بیلدیریلگن.
جناب تمناگه‌کوره، افغانستان‌نی هم باشقه مملکت‌لردیک منطقه و دنیا ده‌گی واقعه‌لر برابریده بیللی سیاستی بولیشی لازم. اونینگ ایتیشیچه، اوتکن یوز ییل جریانیده برچه قوشنی مملکت‌لر افغانستان برابریده فعال سیاست‌لر‌یدن ایش آلگن؛ اما بیزلرنی مملکتی‌میز سیاسی واقعه‌لر برابریده فعال بولمه‌ی و شایسته‌لیک بیلن ملی منفعت‌دن دفاع قیلمه‌گن.
کابل بیلیم یورتی سیاسی بیلیم بولیمی‌نینگ استادلریدن بیرقطاری‌گه کوره، مذکور کتاب مملکت اوقووچیلری و تشقی سیاست اوچون اونملی منبع بوله آله‌دی.
افغانستان تشقی سیاست کتابی 18 بولیم‌ده چاپ بولگن، بیرینچی بولیمی افغانستان تشقی سیاستی‌نینگ تانیشی و باشقه بولیم‌لری مملکت‌نینگ منطقه و دنیا مملکت‌لری بیلن بولگن سیاسی علاقه‌لری توغری‌سیده چاپ بولگن.
