بوگون "چهارشنبه" کابلده خبری بیر ییغین اوتکزگن افغانستان بوییچه تینچلیک اویی نینگ اعضالری، سیلاو و تینچلیک جریانی آلغه آلیب باریلیشی خصوصیده بولگن چیگل‌لیک و اویغونسیزلیکدن تنقید قیلیشگن.
اولرنینگ ایتیشیچه، سیلاو نتیجه‌سی نینگ اعلان ایتیلمه‌گنی، تینچلیک سوزلشوولر قیته باشله‌نیش و وقتینچه‌لیک حکومت ایجاد ایتیلیشی اوچون بولگن سعی و حرکت‌لر اولرنی خواطرلنتیرگن موضوع‌لردن دیر.
اوشبو نهاد اعضالریدن بیری نعیم ایوب‌زاده نینگ ایتیشیچه، سیلاو نتیجه‌سی نینگ اعلان ایتیلمه‌گنی و سیلاو لایحه‌سیده موجود بولگن قیین‌چلیک‌لر وقتینچه‌لیک حکومت قوریلیشی اوچون زمینه یره‌ته‌دی.
اونینگ کوپه‌یتیریشیچه، سیلاو کمیسیون‌لری، سیلاو نتیجه‌سینی تینیق شکلده اعلان قیلمه‌گن صورتده، سابق کمیشنرلر سرنوشتی بیلن روپه‌ره بولیش‌لری ممکن.
افغانستان بوییچه تینچلیک اویی نینگ اعضالریدن باشقه بیری نگینه یاری، تینچلیک لایحه‌سیده عیاللرنینگ قنده‌ی شکلده حضور تاپیشیدن خواطر بیلدیره‌دی.
اونینگ ایتیشیچه، تینچلیک لایحه‌سیده عیاللرنینگ قندی شکلده حضور تاپیش‌لری حاضرگه‌قدر بیللی بولمه‌گن.
عین‌حالده، انسان حقلری بوییچه دولت وزیری سیما سمرنینگ تینچلیک سوزلشوولر خصوصیده یولگه قوییلگن باشقه بیرییغینده ایتیشیچه، تینچلیک لایحه‌سی خصوصیده ایجاد ایتیله‌دیگن ریجه‌لرنینگ عملی ایتیلیشی کیره‌ک.
خانم سمرگه کوره، تینچلیک مالکیتی افغانستان‌لیکلر رهبرلیگی‌گه بولیب و تینچلیک ریجه‌سیده، افغانستان نینگ خلق ارا جماعه‌سی بیلن بولگن رابطه‌لرینی جایلشتیریلیشی کیره‌ک.
