بوگون "سه‌شنبه" آسیا بنیادی، افغانستان خصوصیده بولگن ینگی تیکشیریش نتیجه‌سینی اعلان قیلدی.
اوشبو تیکشیریش‌گه کوره، افغانستان یشاوچی‌لریدن 58% افغانستان نینگ ناتوغری یولگه کیتیشی‌نی بیلدیرگن و اهالیدن یالغیز 36% اوشبو مملکت نینگ توغری یولده کیتماقده‌لیگینی ایتگنلر.
افغانستان اهالیسی نینگ خرسندلیک میزانی میلادی 2013- ییل‌ده اینگ یوقاری درجه‌ده و میلادی 2016- ییل‌ده اقتصادی خواطر، سیلاو قیین‌چیلیک‌لری و چیت‌ایللیک کوچلر کمه‌ییش خواطرلری باعث، اینگ قویی درجه‌ده بولگن.
افغانستان بوییچه آسیا بنیادی نینگ استراتیژیک برنامه‌لری باشلیغی فضل‌ربی وردک نینگ ایتیشیچه، اوشبو تیکشیریش مملکت 34 ولایتیده 17 مینگ 812 کیشی بیلن یوزمه‌یوز مصاحه اساسیده صورت تاپگن.
جناب وردک نینگ کوپه‌یتیریشیچه، افغانستان یشاوچی‌لریدن 90% طالبان گروهی و حکومت آره‌سیده سوزلشوولر باشله‌نیشیدن حمایت قیله‌دیلر و باشقه 64% یشاوچی‌لرگه کوره، طالبان گروهی بیلن کیلیشوو ممکن ایمس.
مذکور تیکشیریش‌گه کوره، طالبان گروهی بیلن یوزمه‌یوز بولگن صورتده، قورقینچ میزانی 93% دیر، بیراق داعش گروهی بیلن اوچره‌شگن ده اوشبو رقم 95% ییتیشه‌دی.
اوشبو تیکشیریش‌گه کوره، طالبان گروهی امنیتی تهدیدلردن 68% نی ایجاد قیلگن.
آسیا بنیادی تامانیدن ترقه‌تیلگن گزارش‌ده ایتیلیشیچه، افغانستان یشاوچی‌لریدن 77% عایله‌لری نینگ اقتصادی وضعیتیدن خواطر بیلدیرگنلر.
مصاحه قیلیووچی‌لردن 81% فسادنی کونده‌لیک حیات‌لری برابریده بولگن قیین‌چیلیک عنوان قیلگن‌لر
مذکور تیکشیریش‌گه کوره، خبرلر و معلومات‌لرگه قول تاپیش اوچون افغانستان یشاوچی‌لریدن 78% انترنت، 75% رادیو و 74% ایسه تلوزیوندن فایده‌لنه‌دی.
