اوتگن کون شنبه مملکت بولیب 30 ولایت‌ده قیزهماغگه قرشی ایملش کمپاینی باشلندی. بو لایحه بیر آی دوام ایته‌دی. افغانستان ساغلیق‌نی سقلش وزیرلیگی‌نینگ بلند مرتبه‌لی رسمیلری، مذکور کمپاین جریانی‌ده 9 آیلیک گودک دن 5 یاش‌گه تولگن 5.5 گودک قیزهماغگه قرشی ایملنه‌دی دیگن‌لر.
مذکور وزیرلیک‌نینگ لایحه‌لری بولیمی‌نینگ معاونی احمدجان نعیم‌نینگ اوتگن کون بیر خبری ییغین‌ده ایتیشیچه، مذکور ایملش لایحه‌سی عمل‌گه آشیریلیش‌ده 27 مینگ رضاکار کومک قیله‌دی. مذکور لایحه‌گه 4.5 میلیون اقش دالری صرفله‌نیشی انابت‌گه آلینگن.
جناب نعیمی‌گه کوره، مذکور وزیرلیک هر اوچ ییل‌لیک دورده کودک‌لر معافیتی‌نی یوقاری کوتاریش اوچون مملکت بویلب قیزهماغگه قرشی ایملش کمپاین اوتکزه‌دی.
وزیرلیک‌نینگ رسمیلری، مذکور لایحه هلمند، خوست و قندهار ولایت‌لریده عمل‌گه آشیریلگن لیگینی ایتگن‌لر. شونینگ‌دیک بولایحه بادغیس و نورستان ولایت‌لریده بیر آیدن سونگ عملی ایتیله‌دی.
ایتیلیشیچه، جاری ییل باشلگن‌دن بیری هنوزگچه 12 کیشی سرخکان‌گه چلینگن باله رویخط‌گه آلینگن.
بیرلشگن ملت‌لر تشکیلاتی‌نینگ باله‌لرنی حمایت قیلیووچی صندوق نماینده‌سی اکیل آییرنینگ مذکور ییغین‌ده ایتیشیچه، باله‌لرنی تورلی کسللیککه قرشی ایملش اینگ صحی و اساسی روش دیر. اونگه کوره، مذکور ایملش سرخکان کسل‌لیگی آلدینی آلیش‌گه ایجابی تاثیری بار
گزارش‌لرده ایتیلیشیچه، هر ییلی 12 میلیون انسان اینیقسه افریقایی و آسیایی مملکت‌لرده بو کسللیککه چلینه‌دی. شونینگ‌دیک کونده 330 باله مذکور بیمارلیک سبب اوز جانلرینی قولدن بیره‌دی. ایتیلیشیچه، کوپچی‌لیک باله‌لر اوشبو کسل‌لیک سبب حیات‌دن کوز یومه‌دی‌لر.
دنیا ساغلیق‌نی سقلش تشکیلاتی، بیرلشگن ملت‌لر تشکیلاتی باله‌لرنی حمایت قیلووچی صندوق ایملش دستوری اوچون (gavi) اداره‌سی افغانستان ساغلیق‌نی سقلش وزیرلیگی‌نینگ بو توغریده همکارلیک قیله‌دی.
قیزه‌ماغ یوقمه کسل‌لیک‌لریدن، ایستیتمه، بروندن سوی آقیش، یوتل، جلدی حساسیت‌لر، قیزیل‌لیک و کوزلرنی یاشله‌نیشی مذکور بیمارلیک‌نینگ بیلگی‌لریدن حسابلنه‌دی. بو حساسیت‌لر کوپینچه قولاق آرقه‌سیده نمایان بوله باشلیدی. سیکین –سیکین اوچ تورت کون ایچی‌ده انسان بدنی‌نینگ باشقه جای‌لریده هم کوزه تیله‌دی.
