افغانستانلیک ربات‌ساز قیزلر گروهی کوموش مدال آلدی. افغانستانلیک ربات‌ساز 6 کیشیلیک گروه امریکاده خلق ارا تنلاوده اشتراک قیلگن ایدی. اوشبو بیشلووده 162 دولت نینگ نماینده‌سی قتنشگن.
مکافات بیریش دستوری تورلی بولیملرگه اجره تیلگن بولیب و افغانستان رباتیک گروهی شجاعت کوموش مدال‌نی آلیشگن. جنوبی سودان مذکور رقابتلرده آلتین مکافات آلیشگن.
بیلشووده 162 مملکت نینگ نماینده‌سی قتنشگنی ایتیله‌دی. افغانستانلیک اوقوچی قیزلر تامانیدن توزه‌تیلگن ربات اوچ کونللیک تنلاوده 243امتیاز بیلن 103 اوریننی کسب قیلگن.
روباتیک بیلشوولری جاری هفته یک‌شنبه کون واشنگتن‌ده باشلنب اوتگن کون کیچ پایانی‌گه ییتیدی.
افغانستانلیک روبات‌ساز قیزلر گروهی واشنگتن‌گه روباتیک رقابتلریده اشتراک قیلیش اوچون هرات‌دن کابل کیلگن، اما امریکا نینگ کابل‌ده‌گی ایلچی‌خانه‌سی اولرگه ویزه بیرمه‌گن.
لیکن، بولر روباتلرینی امریکاگه یوباریب اسکایپی آرقه‌لی اوشبو مسابقه‌ده اشتراک قیلیش‌گه قرار آلگنلر.
اما، بو مساله مطبوعاتگه چیققن‌دن سونگ امریکا جمهور رییسی دونالد ترامپ مملکتی نینگ تشقی ایشلر وزیرلیگی‌گه افغانستانلیک ربات‌ساز قیزلر رقابتده اشتراک قیلیش اوچون ویزه بیریلیشینی سوره‌گن.
