.jpg)
بوگون «چهارشنبه» نماینده‌لر کینگشی‌نینگ عمومی ییغینیده طبیعی واقعه‌لرگه قرشی کوره‌ش ایشلری بوییچه دولت وزیری‌نینگ ایتیشیچه، اوروش و قوروقچیلیک باعث، 500 مینگ کیشی اوی و جایلرینی بدرغه بولگن و اولر تیز یاردملرگه احتیاج دیر.
طبیعی واقعه‌لرگه قرشی کوره‌ش ایشلری بوییچه دولت وزیری نجیب‌آقا فهیم، نیازمندلرگه یاردم ییتکزیش جریانی قنده‌یلیگی توغریسیده معلومات بیریش اوچون نماینده‌لر کینگشی‌نینگ بوگونکی عمومی ییغینیده چقیریلگن.
نماینده‌لر کینگشی‌نینگ قطار اعضالری، یاردم بیریش لایحه‌سی‌نینگ تینیق بولمه‌گنیدن خواطر بیلدیریب و جای‌سیز بولگن‌لرگه یاردم بیریش عادلانه ایمس دیگن‌لر.
طبیعی واقعه‌لرگه قرشی کوره‌ش ایشلری بوییچه دولت وزیری‌نینگ ایتیشیچه، همکارلیک قیله‌دیگن نهادلر 1398-ییل حمل آی گه‌قدر 2 میلیون 600 مینگ کیشی یاردم بیریش‌دن وعده بیرگن.
جناب فهیم‌نینگ ایتیشیچه، امریکا، بریتانیا و چاپان مملکت‌لری 50 میلیون دالر همکارلیک قیلیشی‌دن وعده بیرگن. اونینگ ایتیشیچه، حکومت 92 تُن بوغدای‌نی ایکی باسقیچ‌که توزیع قیلیش قرارینی آلگن و بیرینچی باسقیچی یکونلنگن و شونینگ‌دیک ایکینچی باسقیچی‌نی هم تیزلیک‌که باشله‌نیشی ممکن.
.jpg)
بیراق نماینده‌لر کینگشی اعضالری‌نینگ ایتیشیچه، بوتون ولایت‌لرده جای‌سیز بولگن‌لرنینگ یشش وضعیتی خواطرلنتیروچی دیر و قطار ولایت‌لرده باله‌لر آچ‌لیک باعث، جان بیرماقده.
نماینده‌لر کینگشی اعضالریدن بیری عبیدالله بارکزی‌نینگ ایتیشیچه، ارزگان ولایتی‌نی تومن‌لری‌نینگ قتناو یوللری اوچ ییلدن بویان یاپیق دیر و اوشبو ولایتده 19 مینگ عایله جای‌سیز بولگن.
اونینگ ایتیشیچه، حاضرده ارزگان مرکزیده بیر کیلو بوغدای‌نینگ بهاسی 300 افغانی دیر و اهالی‌گه ساتیب آلیش کوچی یوق دیر.
نماینده‌لر کینگشی باشلیغی عبدالرووف ابراهیمی‌نینگ ایتیشیچه، قوروقچیلیک چکه‌سیده، اوروش‌لر هم اهالینی جای‌سیز قیلگن و همکارلیکلر هم ایترلی ایمس. جناب ابراهیمی‌گه کوره، یاردم بیریش لایحه‌سی‌نینگ تینیق بولمه‌گنی سبب، یاردم‌گه نیازی بولگن کیشی‌لرگه ییتیشمه‌یدی.
