افغانستان بوییچه ساغلیق‌نی سقلش وزیرلیگی نینگ ایتیشیچه، اوتگن 24 ساعت جریانیده 18 ولایتده کرونا ویروس دن باشقه 545 ینگی ایجابی واقعه رویخط گه آلینگن.
مملکت ده اوتگن 24 ساعت جریانیده رویخط گه آلینگن ینگی واقعه‌لر شامل کرونا ویروس گه چلینگن‌لرنینگ سانی 15 مینگ و 750 کیشی گه ییتیشگن.
ساغلیق‌نی سقلش وزیرلیگی نینگ مسؤوللری گه کوره، اوتگن بیر کیچه-کوندوز ده مذکور وزیرلیک نینگ سیناوگاهلریده کرونا ویروس گه شبهه‌لی 1116 واقعه سیناودن اوتکزیلگن.
اوتگن بیر کیچه-کوندوز ده 66 کیشی کابل ده، 117 کیشی هرات ده، 92 کیشی پکتیا ده، 50 کیشی ننگرهار ده، 48 کیشی سمنگان ده، 36 کیشی فراه ده، 22 کیشی سرپل ده و 20 کیشی بامیان ده کرونا ویروس گه چلینگن.
شونینگدیک، لوگر ده 17 کیشی، غور، بدخشان و پنجشیر ده 14-14 کیشی، میدان‌وردک ده 12 کیشی، فاریاب ده 12 کیشی، بلخ ده 4 کیشی، کنر ده 3 کیشی و لغمان و بادغیس ده 2-2 کیشی نینگ نتیجه‌سی مثبت تشخیص قیلینگن.
بوگون «دوشنبه، 12- جوزا» ساغلیق‌نی سقلش وزیرلیگی مسؤوللری نینگ ایتیش‌لریچه، اوتگن بیر کیچه-کوندوز ده کرونا کسل‌لریدن 8 ته‌سی جان بیرگن و باشقه 100 ته‌سی نینگ قیته ساغه‌یگنی معلوم قیلینگن.
ساغلیق‌نی سقلش وزیرلیگی تامانیدن بیریلگن رقم‌لر اساسیده، حاضرگه‌قدر مملکت ده کرونا کسل‌لریدن بیر مینگ و 428 ته‌سی قیته ساغه‌یگن و باشقه 265 ته‌سی جان بیرگن.
عین دمده، حاضرگه‌قدر دنیاده 6 میلیون و 263 مینگ دن آرتیق کیشی کرونا ویروس گه چلینگن و بو جمله دن 373 مینگ کیشی دن آرتیغی جان بیرگن و باشقه 2 میلیون و 846 مینگ دن آرتیغی قیته ساغه‌یگن.
