افغانستان بوییچه ساغلیق‌نی سقلش وزیرلیگی سوزلاوچیسی وحیدالله مایارنینگ ایتیشیچه، اوتگن 24 ساعت جریانیده مملکت نینگ بیش ولایتیده کرونا ویروس دن باشقه 30 ایجابی واقعه رویخط گه آلینگن.
ساغلیق‌نی سقلش وزیرلیگی نینگ سوزلاوچیسی گه کوره، اوتگن 24 ساعت جریانیده رویخط گه آلینگن واقعه‌لردن 15 ته‌سی کابل ده، 6 ته‌سی هرات ده، 4 ته‌سی کنر ده، 4 ته‌سی لغمان ده و 1 ته‌سی ننگرهار ده قید ایتیلگن.
ینگی‌لیک‌ده رویخط گه آلینگن 30 واقعه شامل مملکت ده کرونا ویروس گه چلینگن‌لرنینگ رقمی 1026 کیشی گه ییتیشگن.
مذکور وزیرلیک نینگ سوزلاوچیسی‌نی کوپه‌یتیریشیچه، مملکت ده کرونا ویروس گه چلینگن‌لردن حاضرگه‌قدر 135 کیشی ساغه‌یگن و باشقه 36 کیشی جان بیرگن.
شونینگدیک، ساغلیق‌نی سقلش وزیرلیگی سوزلاوچیسی نینگ ایتیشیچه، مملکت ده کرونا ویروس گه چلینگن‌لردن 110 ته‌سی ساغلیک ایشلاوچی‌لری بولگن و بولردن 90 ته‌سینی ایرکک‌لر و 20 ته‌سینی عیاللر تشکیل بیره‌دی. ساغلیک ایشلاوچی‌لریدن ایسه حاضرگه‌قدر 4 ته‌سی جان بیرگن.
