نورمانخان سابق طالباننینگ قوماندانلریدن. او، نیچه ییل قوراللی طالبلر صفیده بولیب، افغانستان حکومتیگه قرشی اوروش قیلگن. او، ایریم دلیللر سبب اوتگن ییلنینگ بیرینچی آلتی آییده اونلب کیشیسی بیلن داعش حرکتیگه قوشیلهدی. اما، نیچه وقتدن سونگ بو گروهدن هم کونگلی قالیب، قورال ییراغینی ییرگه قویهدی.
35 یاشلی بو قوماندانی مارچ آیی نینگ اخیرگی کونلریده اوز کیشیلری بیلن بیراغینی ییرگه قوییب، تیریکلیکنی قالگنینی افغانستاننی قیته قوریش اوچون صرف قیلیشنی نیت قیلگن.
مذکور گروه ننگرهار ولایتینینگ اچین، نازیان و باشقه تومنلریده بولیب، ییللب دولتگه ضد اوروش قیلگن. نورمانخان، بو ایکّی گروهگه قوشیلیشی اوچون پاکستانده تعلیم کورگن لیگینی ایتگن.
شونینگدیک بو قوماندان ترورچیلیک ساحهسیده اوقیش کورگنلیگی حقیده حکایه قیلیب، طالبلر صفیگه قوشیلیش اوچون خیبر درهسی داعش حرکتیگه کیریش اوچون پاکستاننینگ دره تورهسیده اوقیش کورگن لیگینی بیلدیرگن.
اونینگ داعشدن قولگه کیریتیله دیگن آیلیک بارهسیده سوزلب ایتیشیچه، هر قوماندانگه بیر آیده 15 مینگ کلدار و هر بیر عسکر اوچون 6 مینگ کلدار بیریلهدی. نورمانخان داعشنینگ بوتون حربی جهازی همده مالی امکانیتی پاکستان تامانیدن بیریلیشینی معلوم قیلهدی.
نورمانخان داعش حرکتینی ترک ایتگنلیگی بو گروهنینگ "خنک" قیلیمشی سبب بولگن لیگینی بیلدیرگن. داعشنینگ بوتون اعضالری پاکستان فقراسی دیدی نورمانخان. اونگه کوره، "داعش قیشلاقلرگه کیریش بیلن بلاغتگه ییتمهگن گودکلرنی حلال قیلیب، آقسقاللرنی بامبه پارتلهتیب اولدیریب، خاتینلرنی قیناق آستیگه آلیب و اهالی نینگ مال ملکی نی تالان تاراج قیله دیلر»
نورمانخان ایکّی گروه گه هم کونگیلی روشده بارگن لیگینی ایگن. بیراق؛ او، قیتیشی بارهسیده گپیریشیچه، « او ییرده وضعیت نی فرقلی کوردیم، قیسقه مدتده اولرنینگ ظلم لریگه گواه بولدیم، داعش بارهسیده ایشیتگنلریم یالغان ایکن»
بو قوماندان، جنگری طالبلر صفتیده فعالیت قیله دیگنده، 30 طالب قولی آستیده بولگن لیگینی ایتهدی. نورمانخان، مذکور کیشیلریدن بیرقنچهسی اوروشلرده هلاک بولگنی و بعضیلری ایسه جراحت آلیب، ناگران بولدیلر دیدی.
او، ایندی اوتگن زمانلرد گی قیلمیشلرینی جبران ایتیش اوچون بیر عادی اهالی صفتیده افغانستاننی آبادانلشتیریش گه سعی و حرکت قیلیشنی ایتگن.
میلادی اوتگن ییل ننگرهار جنوبی منطقهلری اوچون اوته قیین بیر شرایط بولگن. داعش بو منطقهلرده پیدا بولیب، افغانستان حکومتی و طالبانگه قرشی فعالیت گه باشلهدی. بو گروه ولایتنینگ شینواری منطقهسینی اوز اشغالیگه آلیب، داعش حرکتی اوچون مستحکم مرکز تاسیس قیلیشگه اولگورگن.
بعضی گزارشلرده اخیرگی وقتلرده داعش حرکتی کنر و نورستان ولایت لریگه هم یول آلگن. داعش گروهی ننگرهار نینگ شینواری تومنیده بیر قنچه کیشیلرنی قیناق آستیگه آلیب اولدیریگن و بیر قطار خانهدانلر ایسه تهدیدلر میزانی آشگنی باعث منطقهلرینی ترک ایتیشگنلر.
شونینگدیک ننگرهار ولایتینینگ محلی رسمیلریدن بیری، داعشنینگ باشقه بیر قنچه اعضالری هم تینچلیک لایحهسیگه قوشیلگن لیگینی بارهسیده خبر بیرگن لر. اما، بو موضوع هنوزگچه رسماً تصدیق ایتیلمهگن. ایتیلیشیچه، هلیگچه داعش حرکتیگه اعضا 20 کیشی بو گروهنی ترک قیلگن.
داعش ایکستیرمیزم بیرگروه صفتیده دستلب عراق ده شکللندی. میلادی 2013- ییل پایانیده بو مملکتده بعضی هجوملرنی عملگه آشیریش بیلن دنیا اعتبارینی اوزیگه جلب قیلدی. شونینگدیک مذکور حرکت اوتگن ییل جون آییده موصل شهرینی اوز اشغالیگه آلیش بیلن دنیا خبرلری سیرهسیدن اورین آلدی.
عین حالده، سونگی بیر ییل مابینیده داعش گروهی افغانستانده هم کوزگه کورینرلی درجه ده کوپیدی. افغانستان ححکومتینینگ بعضی بلند مرتبهلی رسمیلری، داعش اصلی قوماندانلریدن افغانستانده ییرلشمهگن دیگنلر. بلکه، طالبلرنینگ بعضی بیر ناراض اعضاسی طالبلرنینگ آق بیراغی اورنیگه داعشنینگ قاره بیراغی نی کوتاریب، داعش نمایندهلیگی نی ادعا قیلگنلر.
