افغانستان بوییچه ساغلیق‌نی سقلش وزیرلیگی نینگ ایتیشیچه، اوتگن 24 ساعت جریانیده مملکت نینگ 23 ولایتیده کرونا ویروس دن باشقه 330 ینگی ایجابی واقعه رویخط گه آلینگن. اوشبو واقعه‌لردن کوپینچه‌سی کابل، هرات، قندهار، پکتیا و بلخ ولایت‌لریده قید ایتیلگن.
بوگون «سه‌شنبه، 16- ثور» کابل‌ده اوتکزیلگن خبری بیر ییغینده ساغلیق‌نی سقلش وزیرلیگی نینگ ساغلیک خذمت‌لری بوییچه اورین باسری وحیدالله مجروح نینگ ایتیشیچه، اوتگن بیر کیچه-کوندوز ده 45 کیشی کابل ده، 59 کیشی هرات ده، 41 کیشی قندهار ده، 38 کیشی بلخ ده، 26 کیشی پکتیا ده، 13 کیشی ننگرهار ده، 12 کیشی پنجشیر ده و 11-11 کیشی لغمان و تخار ده کرونا ویروس گه چلینگن.
شونینگدیک، لوگر و سمنگان ده 10-10 کیشی، پکتیکا ده 9 کیشی، پروان ده 7 کیشی، فاریاب ده 6 کیشی، قندوز، کنر و غزنی ده 5-5 کیشی، کاپیسا و میدان‌وردک ده 4-4 کیشی، زابل و بدخشان ده 3-3 کیشی و هلمند ده 1 کیشی نینگ کرونا سیناوی مثبت اعلان بولگن.
اوتگن 24 ساعت جریانیده رویخط گه آلینگن ینگی ایجابی واقعه‌لر شامل مملکت ده کرونا ویروس گه چلینگن‌لرنینگ سانی 3224 کیشی گه ییتیشگن. وحیدالله مجروح نینگ ایتیشیچه، اوتگن بیر کیچه-کوندوز ده کرونا ویروس گه چلینگن‌لردن 5 ته‌سی جان بیرگن و باشقه 24 ته‌سی نینگ ساغه‌یگنی معلوم قیلینگن.
ساغلیق‌نی سقلش وزیرلیگی تامانیدن بیریلگن رقم اساسیده، حاضرگه‌قدر کرونا ویروس گه چلینگن‌لردن 421 ته‌سی یخشی بولگن و باشقه 95 ته‌سی جان بیرگن.
مذکور وزیرلیک مسؤوللری نینگ ایتیشیچه، حاضرگه‌قدر مملکت بویلب 13 مینگ دن آرتیق کیشی کرونا سیناوی بیرگن.
ایتیش کیره‌ک کیم، دنیاده کرونا ویروس گه چلینگن‌لرنینگ رقمی 3 میلیون و 646201 کیشی گه ییتیشگن. بو آره‌دن حاضرگه‌قدر 252407 کیشی جان بیرگن و باشقه 1200170 کیشی یخشی بولگن.
