ساغلیق‌نی سقلش وزیرلیگی نینگ اعلان قیلیشیچه، اوتگن 24 ساعت جریانیده، کرونا ویروسی‌گه شبهه‌لی 994 کیشی‌دن آلینگن نمونه‌لردن 625 ته‌سی نینگ نتیجه‌سی ایجابی تانیلگن.
بو جمله‌دن کوپراغی کابل، هرات و بلخ ولایتیده رویخط گه آلینگن
بوگون "چهارشنبه" ساغلیق‌نی سقلش وزیرلیگی نینگ ساغلیک خذمت‌لر ارایه قیلیش بولیمی اورین باسری وحید مجروح نینگ خبری بیر ییغینده ایتیشیچه، بو ینگی ایجابی واقعه‌لر شامل مملکت بوییچه کرونا ویروسی‌گه چلینگن‌لرنینگ سانی 12456 کیشی‌گه کوپه‌یگن.
اونینگ ایتیشیچه، اوتگن بیر کیچه و کندوز ده 360 واقعه کابل، 108 واقعه هرات، 50 واقعه بلخ، 26 واقعه پروان، 24 واقعه تخار، 14 واقعه کنر، 9 واقعه بغلان، 9 واقعه پنجشیر، 8 واقعه غور، 8 واقعه لغمان، 5 واقعه ننگرهار، 2 واقعه بامیان، 1 واقعه قندوز و باشقه 1 واقعه نیمروز ولایتیده قید ایتیلگن.
جناب مجروح نینگ کوپه‌یتیریشیچه، اوتگن 24 ساعت جریانیده کرونا ویروسی‌گه چلینگن‌لردن 7 ته‌سی جان بیریب و باشقه 10 ته‌سی درمان‌لنگن دیر.
ساغلیق‌نی سقلش وزیرلیگی تامانیدن بیریلگن رقم‌لرگه کوره، حاضرگه‌قدر کرونا ویروسی‌گه چلینگن‌لردن 227 ته‌سی جان بیریب و باشقه 1138 ته‌سی درمان‌لنگن دیر.
