افغانستان تینچلیک سوزلشووی بوییچه امریکا خاص نماینده‌سی زلمی خلیلزادنینگ ایتیشیچه، افغانستاندن آمریکا کوچلری چیقیشی خصوصیده، هیچ‌قندی زمانی بیر جدول یوق دیر.
زلمی خلیلزادنینگ بیر توییتری پیام آرقه‌لی ایتیشیچه، سونگی کون‌لرده طالبلر نماینده‌لریدن بیرقطاری، افغانستاندن آمریکا کوچلرینی چیقیشی خصوصیده کیلیشلگنی‌نی ایتکنلر؛ «افغانستاندن آمریکا کوچلرینی چیقیشی خصوصیده، هیچ‌قندی زمانی جندول یوق دیر.»
طالبان گروهی نماینده‌لریدن بیری عبدالسلام حنفی‌نینگ اوتگن کونی مسکو تینچلیک سوزلشوویده ایتیشیچه، افغانستاندن آمریکا کوچلری‌نینگ یرمی‌نی فبروری و اپریل آی‌لریده چیقیشی توغریسیده کیلیشوو صورت تاپگن.
مسکو اوتگن ایکی کونده طالبان گروهی‌نینگ نماینده‌لری و افغاستان سیاسی و جهادی چهره‌لریگه میزبان ایدی. اوشبو ییغین بیر شرطنامه ترقه‌تیش بیلن یکونلندی. مذکور شرطنامه‌گه کوره، افغانستاندن چیت‌ایللیک کوچلرنینگ کامل صورتده، چیقیشی خصوصیده کیلیشیلگن.
افغانستان حکومتی اوشبو ییغینده اشتراک قیلمه‌گن و شونینگدیک جمهورلیک ریاستی سوزلاوچیسی‌نینگ اورین باسری شاه‌حسین مرتضوی بو ییغینی «اتمر تیمی و طالبلر» آره‌سیده صورت تاپگن تینچلیک سوزلشوو عنوان قیلگن.
