آمریکا تشقی ایشلر وزیری مایک پومپیونینگ ایتیشیچه، جمهور رئیس ترامپ نینگ بویروغی اساسیده، افغانستاندن چیت‌ایللیک کوچلرنینگ چقیشی آمریکانینگ 2020- ییل سیلاویدن آلدین باشلنه‌دی.
بیراق، حربی ایش بیلرمانلردن بیرقطاری نینگ ایتیشیچه، اوتگن تجربه گه قره‌گنده، آمریکا خاص بیر تدبیر آلمه‌ی کوچلرینی افغانستاندن چیقارگنده، ایچکی اوروش قیته‌دن باشلنه‌دی.
حربی ایش بیلرمان کابل‌خان تدبیرنینگ ایتیشیچه، حاضرگی شرایط ده آمریکا کوچلری نینگ چیقیشی افغانستان منفعتی گه ایمس دیر.
افغانستان جمهور رئیسی نینگ سوزلاوچیسی صدیق صدیقی، اوز توییتر صحیفه‌سیده آمریکا کوچلری نینگ چقیشی توغریسیده یازیشیچه، اوتگن هفته جمهور رئیس غنی بیلن تلیفونی صحبت قیلگن آمریکا تشقی ایشلر وزیری مایک پمپیونینگ ایشانچ بیریشیچه، آمریکانینگ استراتیژیکی برنامه‌لریده اوزگریش کیلمه‌گن و آمریکا عسکرلری کمه‌ییشی افغانستان شرایطی اساسیده بوله‌دی.
حربی ایش بیلرمانلردن باشقه بیری عبدالغفار گردیزی نینگ ایتیشیچه، آمریکا جمهور رئیسی، آمریکانینگ کیله‌جک سیلاویده بیر یوتوقی بولیشی اوچون کوچلرینی افغانستاندن چیقاره‌دی.
جناب گردیزی نینگ ایشانچی گه کوره، اوتگن 18 ییل‌ده آمریکا، افغانستانده سرمایه یاتقیزگن و عسکرلرینی چیقاریش اوچون تدبیر هم آلگن.
افغانستاندن چیت‌ایللیک کوچلر چیقیشی خصوصیده آمریکا تشقی ایشلر وزیری سوز یوریتگن بیرچاغده، جمهور رئیس ترامپ، سیلاو کمپاین‌لری دورانیده، افغانستاندن کوچلرینی چیقریب و بو مملکت اوروشی گه نقطه قوییشی خصوصیده سوز بیرگن ایدی.
