بوگون «سهشنبه» کابلده خبری بیر ییغین اوتکزگن کابل ولایتینینگ اعتراضچی نامزدلرینی بیرلشمهسینینگ ایتیشیچه، سیلاو جریانیده یوز بیرگن تقلب، تخلف، ساختهکارلیک و سیلاو جنایتلری خصوصیده بولگن حجتلرنی تیکشیریلیشی اوچون جمهور رئیس غنی گه یوبارگنلر.
اولرنینگ ایتیشیچه، سیلاو جریانیده یوز بیرگن ساختهکارلیکلر توغریسیده ایشانچلی حجتلر قولگه کیریتگنلر و اولرنی ایرته باش محکمه و باش قارهلاوچیلیککه تاپشیرهدیلر.
جمهورلیک ریاستی گه یوباریلگن حجتلرده سیلاولر ایرکین کمیسیونینینگ اعضالری و ایشلاوچیلری بیلن خاص نامزدلرنی آرهسیده ساختهکارلیک خصوصیده بولگن سوزلشوولر سیسی، یوباریلگن کتبی پیاملر و تلیفون آرقهلی نامزدلردن پول طلب قیلینگنی، آواز بیریش برگهلریده نمایندهلر کینگشی سیلاوینینگ نامزدلریدن بیرقطارینی آتلری یوقلیگی، کابلنینگ بوتون آوازلریدن یالغیز 85% سنهلگنی و آوازلرنی سنهش چاغیده، معلوماتی بانکده نامزدلردن بیرقطارینینگ آوازلری کیریتیلمهگنی یا-ده کمهیتیریلگنی کیریتیلگن.
کابل اعتراضچی نامزدلریدن بیری نقیبالله هاشمی، جمهور رئیس غنیدن کابل آوازلری بوتونلهی بیکار قیلینیشی خصوصیده، سیلاولر شکایتلرینی تینگلش کمیسیون تامانیدن آلینگن قرارنی تصدیقلب و کابل حوزهسیده قیتهدن نمایندهلر کینگشینینگ سیلاوی یولگه قوییلیشینی طلب قیلگن.
شو توغریده…
کابل سیلاوینینگ نتیجهسی؛ حاضرگهقدر 1 مینگ شکایت رویخطکه آلینگن
سیلاو نتیجهلری؛ نامزدلر کابل آوازلری بیکار قیلینیشینی طلب قیلگن
سیلاولر ایرکین کمیسیونلریده اخلاقی فساد یوز بیرگن
کابل اعتراضچی نامزدلرنینگ بیرلشمهسی، بیش مادهلیک بیر شرطنامه صادر قیلیب سیلاولر ایرکین کمیسیونینینگ مسؤوللری و اعضالریدن وظیفهلریدن چیکلنتیریلیب و محکمه گه تارتیلیشلرینی سورهب و کابل آوازلری بوتونلهی بیکار قیلینیشی خصوصیده، سیلاولر شکایتلرینی تینگلش کمیسیونی تامانیدن آلینگن قرار عملگه آشیریلیشینی طلب قیلگن.
اعتراضچی نامزدلرنینگ توغریسیده ادعالری توغریسیده سیلاولر ایرکین کمیسیونینینگ فکرینی اورگهنیشگه مؤفق بولمهدیک.
عین حالده، سیلاولر ایرکین کمیسیونینینگ مسؤوللری، بوندن آلدین اعتراضچی نامزدلر تامانیدن بولگن ادعالرنی نیچه مرته رد قیلیب و حجتلری بولگنده، اولرنی عدلی و قضایی ادارهلرگه تاپشیریشلرینی ایستهگن ایدی.
