اوتگن کون جمهور رییسلیک سرایی قوریقچی‌لری‌نینگ اوق اوزیشی نتیجه‌سیده تن جراحتی آلگن اعتراضچی‌لرنینگ یقین‌لری وزیر اکبرخان شفاخانه‌سی‌نینگ داکترلری مذکور یرهلنگنلر دواله‌نیشی اوچون اونچه‌لیک اعتبار قره‌تمه‌گن دیگنلر.
اعتراضچی‌لر یقین‌لریگه کوره، یرهلنگنلر اساسی شکل‌ده دواله‌نیش آستی‌گه آلینمه‌گن وقطار یرهلنگنلر ایسه شخصی شفاخانه‌لرگه ییتکزیلگن.
اوتگن کون (چهارشنبه) ایرتلب باشی کیسیلگن جسدلرنی ییلگه‌سیگه کوتارگن نمایشچی‌لر دشت برچی منطقه‌سیدن جمهور رییسلیک سراییگچه یول یوریب کیلدیلر. اعتراضچی‌لر مذکور یولاوچی‌لر قوییب یوباریلیشی اوچون حکومت‌نی تفاوت‌سیزلیککه عیب‌له گنلر.
اوتگن کون اعتراضچی‌لرنینگ بیر قطاری جمهور رییسلیک سرایی‌گه باستیریب کیرگن پیتده جمهور رییسلیک سرایی قوریقچی‌لری تامانیدن هواگه قره‌ته اوزیلگن اوق عاقبتیده نیچه کیشی یره‌لنگن ایدی. حکومت بلند مرتبه‌لی رسمیلری حربی‌لر نمایشچی‌لرنی ترقه‌تیب یوباریش اوچون هواگه قره‌ته اوق اوزگن دیگنلر.
یره‌لنگن اعتراضچی‌لر دوالنه‌دیگن شفاخانه مسووللری خبرچیلرگه بولر بیلن صحبت قیلیش اوچون رخصت بیرمه‌گنلر.
اوتگن کون اعتراض‌ده تن جراحتی آلگن‌لردن بیری‌نینگ یقینی حکمت‌الله‌گه کوره، جمهور رییسلیک سرایی حربیلری اوق اوزگنده اورتاقلریدن بیش کیشی یره‌لنگن. اونینگ سوزلریگه کوره، بوینگه اوق تیگیب یره‌لنگن اورتاقلریدن بیری ایمرجنسی کسل‌خانه‌سیگه ییتکزیلگن. ایتیلیشیچه اونینگ ساغلیق احوالی یخشی ایمس.
ساغلیق‌نی سقلش وزیرلیگی مسووللری اوتگن کون کابل‌ده اوتکزیلگن اعتراض‌ده کیشی‌لر اوق اوزیش عاقبتیده یره‌لنگن لیگیدن تشقری ایریم اعتراضچی‌لر ایسه ایاق آستی بولیب روحی کسل‌لیکه دوچار بولگنلر.
ساغلیق‌نی سقلش وزیرلیگی نشرات مسووللی محمداسماعیل کاووسی‌نینگ سلام‌وطندارگه بیلدیریشیچه، اوچ کیشی حربی‌لر تامانیدن اوق اوزیلگنی، تورت کیشی هددن کوپ گوجوم‌لیک و تورت کیشی ایسه روحی زیان کورگن.
وزیر اکبرخان شفاخانه‌سی‌نینگ باشلیغی نجیب‌الله نثارنینگ بیلدیریشیچه، یره‌لنگنلردن بیش کیشی دواله‌نیشی اوچون اوشبو کسلخانه‌گه کیلتیریلگن‌لر. جناب نثار، نمایش جریانیده روحی زیان کورگن ایکی عیال و ایکی ایرکک ایسه شفاخانه‌گه آلیب کیلینگندن بیر ساعت کیین دواله‌نیب رخصت ایتیلگن‌لر دیگن.
عین حالده، افغانستان جمهور رییسی محمداشرف‌غنی بوگون وزیراکبرخانه ساغلیق‌نی سقلش مرکزیگه باریب یره‌لنگنلرنی یقیندن کوردی.
