یشاوچیلردن مینگ لرچه‌سی باشی کیسیلگن 7 یولاوچی خصوصیده ناراضیلیک بیلدیریب ایتیشیچه، ایسته‌کلری حکومت تامانیدن قبول بولگونچه جنازه‌لر بیلن بیرگه ارگ اونگیده قاله‌دیلر.
اوشبو یشاوچیلر اوتکن (چهارشنبه کون) ایرته‌لب باشی کیسیلگن یولاوچیلرنینگ جان‌سیز تنه‌لری‌نی کابل دشت برچی منطقه‌سی «شهید مزاری مصلی» سیدن جمهورلیک سرایی‌گچه کوتریب کیلگن‌لر. ناراضچیلر حکومت‌نی یولاوچیلر توغری‌سیده بی فرق یانده‌شیش و «جنایتچی طالب‌لردن حمایت» ایتیش‌گه عیب‌له‌گن.
ایکی عیال، بیر قیز باله و تورت ایرکک‌‌نینگ باشی بیش کون آلدین، طالب‌لر تامانیدن کیسیلگن و اوشبو کیشی‌لر نیچه آی‌دن بویان زابل ولایتی‌ده اوشبو گروه قمراویده ایکن.
مذکور 7 یولاوچی قانی‌نینگ انتقامی‌نی آلیش، هزاره‌لر اولتیره‌دیگن منطقه‌ده تورت فرقه‌لی بیر قول اردو تشکیل ایتیلیشی، غزنی ولایتی‌نینگ جاغوری تومنی ولایت قیلینیشی، غزنی تومن‌لریده پولیس تشکیلاتی کوپه‌یتیریلیشی و کابل‌ده «شهیدلر تپه‌سی» دیب بیر تپه‌گه آت قوییش اوشبو ناراضچیلرنینگ اصلی ایسته‌کلریدن بولگن.
سلام‌وطندار خبرچیسی حشمت‌الله بهزادنینگ ناراضیلیک محلی‌دن ایتیشیچه، بیلیم یورت استادلری، اوقووچیلر، مدنی فعال‌لر، «شهیدلرنی خوش قرشی‌لش قوریلمه نماینده‌لری» و باشی کیسیلگن یولاوچیلر عایله اعضالریدن 30 کیشی ناراضچیلر نماینده‌لیگی‌دن جمهورلیک سرایی‌ده، ملی امنیت کینگشی‌گه باریب حکومت رسمی‌لری بیلن ایسته‌کلری خصوصیده بحث اوتکزگن، بیراق گزارشلرگه کوره، یالغیز نیچه کیشی مذاکره ییغینیده یول تاپگن.
اجراییه ریاستی سوزلاوچیسی اورین باسری «آصف آشنا» ناراضچیلرگه قوشیلیب، وظیفه‌سیدن استعفا بیریب ناراضچیلرگه قوشیلگن.
هوایی اوق آتیلدی
شونینگ‌دیک امنیتی کوچلر (چهارشنبه کون) کیچ قورون، ناراضچیلر زوردن جمهورلیک سرایی‌گه کیره‌دیگن چاغیده، ناراضچیلرنینگ ترقاقلشتیریش اوچون هواگه اوق آتگن‌لر.
جمهور رییس سوزلاوچیسی اورین باسری سیدظفر هاشمی‌نینگ ایتیشیچه، اوشبو اوق آتیش‌لر نتیجه‌سیده 10 کیشی یره‌لنگن؛ بیراق ساغلیک وزیرلیگی ناراضچیلردن یالغیز 7 ته‌سی یره‌لنگنینی تأیید قیلیب ایتیشیچه، یره‌لنگنلردن 5 ته‌سی اوق نتیجه‌سیده و باشقه ایکی عیال دیواردن توشیب کیتگنی باعث، یره‌لنگن.
جمهور رییس غنی: قصاص آله‌میز
افغانستان جمهور رییسی محمد اشرف غنی، زابل واقعه‌سینی افغانستان خلقی‌نینگ بیرگه‌لیک دردی بیلیب و اونی اوتکیر بیچاققه قیاسلب «دشمن‌لر» خلق بیردملیگی و بیرلیگی‌نینگ یوره‌گی‌گه سنچه‌دی دیگن.
جناب غنی‌نینگ ایتیشیچه، طالب‌لر جاری ییل دوامیده ایریم منطقه‌لرنی دولت نظارتی‌دن چیقاریب و عصیانچیلیک مرکزی‌گه اوزگرتیریش خصوصیده سعی و حرکت قیلگن؛ بیراق افغانستان امنیتی کوچلری‌گه قرشی کوره‌شه آلمه‌گنی باعث، افغانستان قوم‌لری‌نینگ اورته‌سیده قره‌مه قرشی‌لیک تشلش‌گه قول اوره‌دی.
عین حالده، جناب غنی، خلق‌نی بیرلیک و بیردملیک‌که چقیریب ایتیشیچه، گروگه آلیش باشلنگنی‌دن اولرنینگ قوییب یوباریلیشی خصوصیده، امنیتی اداره‌لرگه بویروغ بیرگن.
جمهور رییس غنی‌نینگ ایتیشیچه، اوشبو واقعه عامل‌لری تانیلیب، توتقونگه آلینیب و جزالنیب محکوم بولیشی‌گه بویروغ بیرگن.
شونینگ‌دیک، مملکت حربی کوچلری اورین باسری جنرال مراد علی مراد، ناراضچیلرگه قوشیلیب، بو ناراضیلیک‌نی دنیاده‌گی‌لر اوچون ایرکین‌لیک درسی‌دیب و ناراضچیلرگه خطاب ایتیشیچه، حکومت بیلن بیرگه اویمه اوی مذکور یولاوچیلر قاتل‌لری‌نی آختره‌دی.
جناب مراد، قندوز کبی اوشبو ناراضچیلردن دفاع قیلیب ایتیشیچه، حکومت ایسته‌کلر برابریده مسؤول دیر و حکومت تامانیدن اوشبو ناراضچیلرنینگ ایسته‌کلری قبول بولمسه، وظیفه‌سیدن وازکیچه‌دی.
