افغانستان ملی مجلسی بوگون مملکت جمهور رییسی اشرف‌غنی تامانی‌دن آچیلدی. ییغین‌ده چیقیش قیلیب نطق سوزله‌گن جناب غنی، تینچ‌لیک و برقرارلیک افغانستان خلقی‌نینگ اساسی ایستک‌لری دیگن.
جناب غنی مملکت جمهور رییسی ایتیب تعین لگن‌دن بیری 60 فایز وقتی‌نی مملکت امنیتی تامین ایتیلیشی اوچون صرفله‌گن لیگی‌نی معلوم قیلگن.
شونینگ‌دیک جمهور رییس غنی‌نینگ ایتیشیچه، خوف‌سیزلیک مسوولیت‌لر خلق ارا کوچ‌لردن افغان ملی کوچ‌لری‌گه تاپشیریلگن‌دن سونگ، افغانستان ملی کوچلری امنیت‌نی تامین قیلیش و قابلیت‌گه ایگه ایمس‌لیک‌لری باره‌سی‌ده‌گی ایشانچ‌لر یوققه چیقدی.
او، بونده‌ی ایشانچ‌سیزلیک اوروش‌نی تحمیل ایتیلیشی، مملکت‌نینگ ییریک شهرلری‌ده ترورچی‌لیک هجوم‌لر آشیریلیشی و نیچه ولایت سقوط ایتیلیش یولیده‌گی سعی حرکت‌لر جمله‌سی‌دن دیدی.
اما اونینگ سوزلری‌گه کوره، امنیت و برقرارلیک تامین ایتیلیشی اوچون حکومت منتظم برنامه‌گه ایگه. حاضر ایسه افغان ملی کوچلری دشمن‌لر طرحی‌نی ناکام قیلیش بیلن مدافعه‌وی حالت‌دن چییقیب ابتکار عمل‌نی قول‌گه آلگن‌لر.
او، افغانستان ملی کوچلری حاضر هم تمویل ایتیله دیگن منبع، جهاز و اورگه‌نیش امکانیت‌گه ایگه ایکن‌لیک‌لرینی ایتگن.
جمهور رییس غنی اهالی‌دن ملی کوچ‌لری‌نی حمایت قیلیش‌لری‌نی سوره‌گن.
افغانستان جمهور رییسی داکتر اشرف‌غنی مملکت خلقی‌نینگ حیاتی حکومت اوچون اولکن ارزش‌گه ایگه، گناه‌سیز اهالی‌نی مدافعه قیلیش اوچون «هر قنده‌ی قانونی» یول‌دن باش تارتمیمن دیگن.
جناب‌غنی افغان ملی کوچلری، مسلکی و سیاسی بولمس‌لیک‌لری باره‌سی‌ده تاکیدله‌گن. او، برچه «سیاسی شخصیت» لردن امنیتی و مدافعه‌وی ایش‌لرگه اره‌لشمس‌لیکی‌لری‌نی طلب قیلگن.
جناب‌غنی اوز سوزلری دوامی‌ده منطقه دولت‌لریده تینچ‌لیک، برقرارلیک و بیر – بیراولری‌گه همکارلیک قیلیش حال‌لری سیزیلگن لیگی‌نی بیلدیریب، افغانستان خلقی هم بیر آواز بیلن تینچ‌لیک ایستش‌لری باره‌سی‌ده تاکیدله‌گن.
جمهور رییس‌گه کوره، تینچ‌لیک مذاکره‌لر جریانی‌ده 13 ییل‌ده قول‌گه کیرتیلگن یوتوق و دست‌آوردلر سقله‌نیب قالیشی اوچون جدی سعی حرکت آلیب باریشی‌دن سوز بیرگن. «خلق اوچون تینچ‌لیک بهاسی اوروش قیمتی»دن کوره آغیر توشمس‌لیگی لازم.
جناب‌غنی دایمی تینچ‌لیک‌که ایریشیش اوچون هر تامانلمه تدبیرگه احتیاج بارلیگی‌نی بیلدیریب، مصلحتی اولتیریش‌لری‌ده بو توغریده قوم یاش اولوغ‌لری‌نی جریانگه قویلیشی حقیده اورغوله‌گن.
تینچ‌لیک و زوران‌لیک اوچون اسلام دنیاسی‌نینگ موقفی بیللی دیر. او، افغانستان حکومتی اسلام دنیا‌سی بیلن علاقه‌لرینی مستحکم لشتیریشی، بیزنی تینچ‌لیک مذاکره‌لر جریانی‌گه یاردم بیره‌دی دییه بیلدیرگن.
اشرف‌غنی حاضر‌گی کون‌ده افغانستان‌ده‌گی اوروش القاعده دن داعش‌گه اوزگرماقده. داعش‌نینگ بو حرکتی منطقه دولت‌لری جمله‌دن اسلام دولت‌لری اوچون سلبی تاثیری بولگن‌لیگینی برچه سیزه‌دی دیگن.
مجلس‌ده سوزله‌گن جناب غنی، اهالی ایش سوره‌ش‌لرینی بیلدیرگن. بو معما حل ایتیلیشی اوچون ملی بیرلیک حکومتی اقتصاد رواجله‌نیش ساحه‌سی‌ده بعضی بیر ایش‌لرنی قیلماقده. شونینگ‌دیک جمهور رییس یشش بنا قوریب بیریش اوچون عمل‌ده ایش باشلنیشی‌گه و عده بیریشگن.
جناب‌غنی، خلق‌نینگ موجود قیین چیلی‌گی اجتماعی ترماقلر قوشیمچه عاموی اخبارات واسطه‌لریدن هر دایم کوزه‌تیب باریشی‌نی ایتگن.
عین حالده، جناب‌غنی خلققه بیرگن وعده‌سی‌ده استوار ایکن‌لیگی باره‌سی‌ده ینه بیر بار تاکیدلب، افغانستان‌نی یخشی بیر یول‌گه یولنتیریش‌دن سوز بیرگن.
جمهور رییس‌غنی نینگ لاجورد باره‌سی‌ده معلوم قیلیشیچه، ترکمنستان، آذربایجان، گرجستان و ترکیه ارقه‌لی افغانستان لاجورد یولی اورپاگه قوشیلیب، اساسی آلغه سیجلیش‌لرگه گواه بوله‌دی.
شونینگ‌دیک جمهور رییس‌غنی ترکمنستان تیمیر یولی تیزلیک‌ده آقینه‌گه قوشیلیشی ممکن دیگن. غنی، حکومت برق و گاز قووری‌نی هرات آرقه‌لی قندهار و شمال یولی بیلن جنوبی ولایت‌لرگه ییتکزیش نیت‌ده ایکن‌لیگی‌نی تیل‌گه آلگن.
داکتر اشرف‌غنی گه کوره، چین حکومتی 330 میلیون دالر افغانستان دولتی‌گه یاردم کورستگنی‌نی ایتگن. بو همکارلیک‌لرنینگ شرطنامه‌سی کیلگوسی ییل حمل آیی‌دن باشله‌نیشی نظرده توتیلگن.
عین حالده، افغانستان نماینده‌لر مجلسی نینگ رییسی عبدالرووف ابراهیمی حکومت نینگ عمل‌گه آشیرگن ایش‌لری‌نی تنقید آستی‌گه آلگن. اونکه کوره، حکومت ایریم معمالرنی برطرف قیلیش‌گه موفق بولمه‌گن لیگی‌دن تشقری ایریم حاللرده اوزی قیین‌چیلیک یره‌تگن.
جناب ابراهمی‌گه کوره، امنیتی تهدیدلر هنوز اوز جایی‌ده تورگن کابینه‌نینگ قالگن اعضالری حاضرگه قدر هم تکمیل ایتیلمه‌گن.
