نامی فاش ایتیلمسلیک شرطی بیلن سلام‌وطندارگه صحبت بیرگن حکومت نینگ معیین بیر منبعی، پاکستان استخبارات اداره‌سی نینگ باشلغی جنرال نوید متخار افغانستان حکومتی نینگ رهبرلری بیلن قیلگن ملاقاتیده بولرنینگ جدی ایستکلریگه روپه ره بولگن دیدی.
افغانستان حکومتی پاکستان اسختبارات مرکزی نینگ باشلیغی بیلن قیلگن ملاقات‌ده رسمی اسلام آباد بو مملکت‌ده‌گی طالبلرنینگ قوماندانی قولگه آلینیشی، دیورند چیزیغیده‌گی جنگری گروهلرنینگ تاسیسات مرکزی فعالیتی توخته‌تیلیشی و بو مملکت نینگ افغانستان چیگره حدودینی راکت هجوم آستیگه آلیشی پایان بیریلیشی سوره‌لگن.
نوید مختار کابل کیلمس‌دن آلدین پاکستان پارلمانی نینگ بیر گروه هیاتی افغانستان کیلگن ایدی. منبع، پاکستان استخبارات باشلیغی و بو مملکت پارلمان هیاتی کابل کیلیشیدن اساسی نیت لندن شرطنامه‌سی کوچگه کیریتیلیشینی بجریش دیدی.
منبع نینگ معلوم قیلیشیچه، افغانستان حکومتی نینگ ایستکلری پاکستان دولتی آرقه‌لی تصدیق لنگن حالده، جمهور رییس غنی پاکستان باش وزیری بیلن اوچره‌شیب ملاقات قیلیشی ممکن دیدی.
ساحه نینگ متخصصلری اوشبو ایستکلر عملگه تطبق ایتیلگن حالده، ایکّی مملکت علاقه‌سی اوستیده بی واسطه ایجابی تاثیر قالدیریشینی ایته دیلر.
خلق ارا تحلیلچی انتظارخادم، افغانستان حکومتی رسمی اسلام آباد توغریسیده معیین موضوع آلیشی تقدیرگه سزاوار دیدی. اونینگ تعبیریچه، امریکا قوشمه ایالتلری هم بو مساله توغریسیده رسمی کابل‌نی حمایت قیله‌دی.
پاکستانلیک یازووچی سید رضاشاه نینگ سلام‌وطندارگه ایتیشیچه، ایکّی مملکت اورته‌سیده باشلنگن ملاقات‌نی خوش قرشیلیب، هر قنده‌ی بیر پیش شرط ایلگری سوریلیشی مذکور مذاکره‌نی ناکاملیککه دوچار قیله‌دی.
او، رسمی کابل – اسلام آباد نینگ بیرینچی حل یولی تینچلیک مذاکره آرقه‌لی ییچیله‌دی دیگن.
چمه‌سی ایکّی ییلدن بیری افغانستان و پاکستان سیاسی علاقه‌سی تره‌نگلشیب بارماقده. اما، افغانستان ملی خوفسیزلیک مصلحتچیسی، پاکستان باش وزیری نینگ مصلحتچیسی و افغانستان همده پاکستان نینگ باشقه یوقاری مرتبه‌لی رسمیلری اشتراکیده لندن ده بولیب اوتگن ییغیندن سونگ پاکستان پارلمان هیاتی رسمی تشریف بیلن کابل کیلیب، افغانستان ملی مجلسی نینگ اعضالری بیلن اوچره‌شدی.
