ملی امنیت سابق مصلحت‌چیسی داکتر رنگین دادفر اسپنتانینگ ایتیشیچه، ملی بیرلیک حکومتی نینگ پاکستان برابریده تشقی سیاستی سینیشگه روپه‌ره بولگن. ملی امنیت سابق مصلحت‌چیسی بومطلب‌نی افغانستان و پاکستان ایکی تامانلمه یوزمه یوز اولتیریشیده، حکومت تشقی سیاستی‌نینگ سینیش دلیلی «بیرتمانلمه» بولگن‌لیگی دیب عنوان قیلگن.
جناب اسپنتا شوپیتده اولکه تشقی سیاستی ناکام‌لیگی‌دن سوز یوروته‌دی که شو سونگی پیت‌لرده، افغانستان و پاکستان رابطه‌سی کابل‌ده بولیب اوتگن قانلی هجوم‌لر باعث، افغانستان خلقی ارا پاکستان‌گه قرشی ضدیت‌لیکلر کوپه‌یگن ایدی. ملی بیرلیک حکومت باشلیغ‌لری، سونگی هجوم‌لر پاکستان تامانیدن بولگن‌لیگی‌نی بیلدیریب، ترورچی‌لر اویه‌سی پاکستانده ایکن‌لیگینی ایتیگن ایدی.
افغانستان و پاکستان قیینچی‌لیکلر و فرصتلرنی تاپیش عنوانی بیلن هراتده بیرکونلیک اولتیریشده، ایکی تامانلمه افغانستان و پاکستان و ایکی اولکه ایش بیلرمانلری و سابق رسمی‌لریدن 25 کیشی جمله سیدن افغانستان ملی امنیت سابق مصلحت‌چیسی، پاکستان سابق مدافعه وزیری و (آی.اس.آی) سابق باشلیغی اشتراکیده بولیب اوتدی.
مذکور اولتیریشده ملی امنیت مصلحت‌چیسی نینگ کوپه‌یتیریشیچه، ملی بیرلیک حکومت باشلیغ‌لری نینگ نماینده‌لر و سیاستچی‌لردن اولکه تشقی سیاستی باره‌سیده مصلحت آلمه‌گن‌لیگی باعث افغانستان اوچون پاکستان ایشیگی یاپیلیب قالگن.
افغانستان استراتیژیک و مطالعات مرکزی باشلیغی داوود مرادیان هم مذکور اولتیریش اخیریده، ایکی اولکه ارا ایکینچی اولتیریش و سوزله‌شیشلردن هدف، افغانستان و پاکستان اولکه‌لری نینگ ترورچی‌لیککه قرشی بیرگه‌لیک کوره‌شیش دیب عنوان قیلدی.
جناب مرادیان هم افغانستان حاضرگی دیپلماسی سینی ناکام دیب بیله‌دی و بو سیاستلر پاکستان بیلن یخشی رابطه باغله‌ش اوچون سینیشگه روپه‌ره بولگن دیدی.
پاکستان تحقیقی و مطالعات نهادی باشلیغی رؤوف حسن هم بونقه اولتیریشلر ایکی اولکه اوچون انیق تینچ‌لیک کیلتیریشگه کته یاردم بیره‌دی دیگن. جناب حسن هرات امنیتی بین المللی اولتیریشی نینگ تورتینچی ییغینی‌ده، حاضرهم ایکی اولکه ارا کوپلب قیینچی‌لیکلر بارلیگینی بیلگن‌لیگیگه تن بیرگن‌لیگینی ایتگن.
بو افغانستان و پاکستان اوچون ایکینچی اولتیریش دیرکه شوییل جون آییده پاکستانده بولیب اوتگن ایدی.
