.jpg)
غور ولایتی نینگ پسابند تومن پولیس قومندانی فخرالدین بو خبرنی تصدیقلب سلاموطندارگه ایتیشیچه، طالبان گروهی مذکور تومنده جایلشگن «آبک» پوستهسی اوستیگه هجوم قیلگن کیم نتیجهده 7 پولیس جان بیرگن.
اونینگ کوپهیتیریشیچه، شونینگدیک بو هجومده بیر پولیس یرهلنگن و باشقه بیر پولیس درکسیز یوقالگن و طالبان مذکور پوسته نینگ برچه حربی جهازلرینی اوزلری بیلن آلیب کیتگن.
اونگه کوره، بو هجوم غور ولایتیده طالبان گروهی تامانیدن ناملنگن والی ملااحمدشاه و بو تومنده مذکور گروه قومندانلریدن بیری ملا مصطفی رهبرلیگی آستیده یولگه قوییلگن ایکن.
پسابند پولیس قومندانی نینگ ایتیشیچه، اوشبو آتیشمهده طالبان گروهی گه هم تلفات ییتیشگن، بیراق اونینگ بیللی رقمی قولگه کیلمهگن.
طالبان حاضرگچه بو حقده فکر بیلدیرمهگن.
