بوگون «پنج‌شنبه» 24- حوت قیامی‌نی 39- ییل‌لیگی‌دن نشانلش مراسمی‌ده نطق سوزله‌گن جهادی قومندان اسماعیل خان‌نینگ ایتیشیچه، جمهور رییس غنی و داکتر عبدالله‌نینگ ریاستی‌نی دوامی ایجابی نتیجه بیرمه‌یدی و اولردن استعفاء بیریشلرینی سوره‌ب و کیله‌جک جمهورلیک ریاستی سیلاوی تنیق شکلده یولگه قوییلیشی توغریسیده سعی و حرکت قیلیش‌لرینی طلب قیلدی.
اوشبو جهادی قومندان سوزلرینی باشقه بولیمی‌ده عطامحمد نورگه خطاب ایتیشیچه، ارگ برابریده آلگن قراریگه ثابت بولیب و جمعیت حزبی رهبرلیگی‌نینگ قراری بولمه‌گنده قرار قیلمه‌سینی بیلدیردی.
شونینگ‌دیک او، طالب‌لردن ملی بیرلیک حکومت بیلن تینچلیک قیلمه‌گنده، جهادیلر بیلن مذاکره قیلیب و قانونی بیر حکومت اوچون ییچیم یول آختریشلرینی سوره‌دی.
اسماعیل خان سوزلری دوامیده فراه ولایتی‌نینگ اوروشی‌نی بیر مصیبت بیلیب و حکومت‌دن جهادیلرنینگ همکارلیگی‌ده طالب‌لرگه قرشی اوروشیب و بو اوروش گه نقطه قوییشی‌نی طلب قیلدی.
مذکور جهادی قومندان سوزلرینی باشقه بیر بولیمی‌ده دنیا جماعه‌چیلیگی‌دن جهادیلرنی اوروشقاق دیمه‌ی و اولردن حمایت قیلیشینی ایسته‌دی.
عین حالده، قندوز ولایتی‌نینگ سابق امنیه قومندانی مولانا عبدالرحمین سیدخیلی‌نینگ اولیمی‌نی 7 ییل‌لیگی‌دن نشانلش مراسمی‌ده سوزگه چیققن خوفسیزلیک و برقرارلیک کینگشی‌نینگ رهبرلیک اعضاسی محمدعمر داوودزی‌نینگ آگاه‌لنتیریشیچه، ملی بیرلیک حکومت‌نینگ بیش ییل‌لیک ایشی یکونلنگنیدن سونگ، دوامی اوچون بیر کون هم وقت بیرمه‌یدیلر.
باشقه تاماندن، مملکت جمهورلیک ریاستی‌نینگ سابق اورین باسری محمد یونس قانونی، ولایت‌لردن بیرقطاری طالب‌لرگه تاپشیریلیش ریجه‌سیدن جدی تنقید قیلیب ایتیشیچه، بو ریجه افغانستان تجزیه ایتیلیشی‌نی کورسته‌دی و بو ریجه عمل‌گه آشیریلگن صورتده، خلق اولرنینگ برابریده قیام قیلیشی ممکن.
