افغانستان جمهورلیک ریاست سرایی، تشقی ایشلر وزیرلیگی تیکشیریلیشی اوچون جمهور رئیس نینگ حکمی اجراییه باشلیغی تامانیدن توختهتیلگنی گه عکسالعمل بیلدیریب ایتیشیچه، هیچ بیر اداره نی جمهور رئیس نینگ حکمی نی توختهتیش حقی یوق دیر.
جمهورلیک ریاست سرایی نینگ خبرنامهسیده کیلیشیچه، اساسی قانون ده جمهور رئیس نینگ صلاحیتلری تصدیق ایتیلگن و هیچ بیر اداره جمهور رئیس نینگ حکمی گه توسیق بوله آلمهیدی.
اوشبو خبرنامهده جمهورلیک ریاست سرایی نینگ اورغولشیچه، تشقی ایشلر وزیرلیگی نینگ تیکشیریش و نظارت قیلیش دوام ایتهدی.
اوشبو مسئله بیان ایتیلگن بیرچاغده، مملکت اجراییه باشلیغی عبدالله عبدالله بیر حکم آرقهلی تشقی ایشلر وزیرلیگی تیکشیریلیب و نظارت قیلینیشی خصوصیده، جمهور رئیس نینگ حکمی عمل گه آشیریلیشی گه توسیق بولیب و بو حکم نی توختهتیب قویگن ایدی.
بوندن آلدین، مملکت جمهور رئیسی محمداشرف غنی، بیر حکم آرقهلی تشقی ایشلر وزیرلیگی نینگ ایشلری تیکشیریلیشی و نظارت قیلینیشی اوچون بیر هیأت تعیین قیلگن ایدی.
شو توغریده…
عبدالله: جمهور رئیس نینگ کمپاینگه تیگیشلی حکمی قبوللنمهیدی
