افغانستان جمهورلیک ریاست سرایی‌دن بولگن بیر منبع گزارش‌ده آتی فاش ایتیلیشی‌نی ایستمه‌ی جمهورلیک ریاستی نینگ ایشلاوچی‌لریدن 40 کیشی کرونا ویروس گه چلینگنینی ایتگن.
اونینگ سلام‌وطندارگه ایتیشیچه، کرونا ویروس گه چلینگن‌لر جمهورلیک ریاست سرایی، اداری ایش‌لر اداره‌سی و ملی خوفسیزلیک کینگشی نینگ ایشلاوچی‌لری بولگن.
بوندن آلدین نیویارک تایمز تامانیدن بیریلگن گزارش‌ده افغانستان جمهورلیک ریاست سرایی نینگ ایشلاوچی‌لریدن 40 ته‌سی نینگ کرونا ویروس توغریسیده بیرگن سیناوی مثبت بولگنی ایتیلگن ایدی.
نیویارک تایمز، سونگی کونلرده جمهور رئیس غنی نینگ غیابت سببی‌نی جمهورلیک ریاست سرایی و اداری ایش‌لر اداره‌سی نینگ ایشلاوچی‌لری کرونا ویروس گه چلینگنی دیگن.
شونینگدیک، بوندن آلدین فرانسه‌لیک خبری آژانس افغانستانلیک بیر رسمی دن نقل قیلیب جمهور رئیس غنی گه یقین ایشلاوچی‌لردن 20 ته‌سی کرونا ویروس گه چلینگنینی ایتگن ایدی.
یکشنبه کون کیچ قورون گاردین خبرچیسی هم افغانستان جمهور رئیسی سیناوگه حاضر بولمه‌گنینی یازگن.
جمهورلیک ریاست سرایی بو توغریده جواب بیرمه‌گن. ساغلیق‌نی سقلش وزیرلیگی مسؤوللری نینگ ایتیش‌لریچه، بو توغریده بوگون خبری ییغینده جواب بیره‌دیلر.
