بوگون «سهشنبه» مرکزی بغلان تومنینینگ یشاوچیلریدن اونلرچهسی، تخار اهالیسینینگ نمایندهلر کینگشیدهگی نمایندهسی قدرتالله ذکینینگ قوروقچیلری و طالبان گروهی آرهسیده یوز بیرگن آتیشمهده 3 تینچ اهالی هلاک ایتیلیب و یرهلنگنی باعث، چهارشنبه تپه منطقهسیده ناراضلیک نمایش یولگه قوییب بغلان-قندوز قتناو یولینی توسگنلر.
اولرنینگ ایتیشیچه، آتیشمه جریانیده جناب ذکینینگ قوروقچیلری اهالی اوستیگه اوق آتگن و نتیجهده تینچ اهالیدن بیر کیشی هلاک و باشقه ایکی کیشی یرهلنگن.
عین حالده، آتی فاش ایتیلیشینی ایستمهگن امنیتی بیر منبع، تینچ اهالی ادعاسینی تصدیقلیدی.
بیراق، سلاموطندارگه صحبت بیرگن نمایندهلر کینگشی اعضاسی قدرتالله ذکی بو ادعانی رد قیلیب ایتیشیچه، قوراللی طالبلرنینگ هجومی گه دوچ کیلگن منطقهده تینچ اهالی بولمهگن و هلاک ایتیلیب و یرهلنگنلر طالبان گروهینینگ اعضالری بولگن.
جناب ذکینینگ کاروانی قندوز ولایتی بارهیاتگن چاغیده مرکزی بغلان تومنینینگ چهارشنبه تپه منطقهسیده قوراللی طالبلرنینگ هجومیگه دوچ کیلگن و بو واقعهدن سونگ، قوراللی طالبلر بیر اعلامیه ترقهتیب واقعه مسؤولیتینی بوینیگه آلگن.
