افغانستان حج و اوقاف وزیرلیگی مسؤوللری نینگ ایتیشیچه، بیرینچی اوچیش مرکز حوزهسی کابلدن بولهدی و بو اوچیشده 317 کیشی سعودی عربستان گه انتقال بیریلهدی.
بو ییل افغانستاندن 30 مینگ کیشی حج مراسمیده اشتراک قیلیشی خصوصیده قرار قیلینگن.
حج و اوقاف وزیرلیگی مسؤوللری نینگ ایتیشیچه، افغانستان زیارتچیلری 82 میلیون دالردن کوپراق خرجت بیلن کامایر شرکتی آرقهلی سعودی عربستان گه انتقال بیریلهدی.
سلاموطندارگه صحبت بیرگن حج و اوقاف وزیرلیگی نشرات باشلیغی ناصرالدین دریزنینگ ایتیشیچه، زیارتچیلرنینگ سفر خرجتی بو ییل اوتگن ییل گه نسبتن کوپهیگن و هر بیر حاجی سعودی عربستان گه باریش اوچون 2 مینگ و 750 دالر صرفلهشی کیرهک و بو مبلغ توپلم شکلده 82 میلیون دالردن کوپراق بولهدی.
جناب دریزنینگ ایتیشیچه، شیعهلر جمعیتیدن بولگن زیارتچیلر سعودی عربستانده تدراکاتی مسئلهلر باعث، 50 دالر کوپراق توللشی کیرهک.
ناصرالدین دریزگه کوره، افغانستان بو ییل سعودی عربستان نینگ مدینه شهریده زیارتچیلر هماهنگ بولیشی اوچون ایرکین بیر دفتر آچگن و اوتگن ییل افغانستان زیارتچیلری «جنوبی آسیا» ناملی بیر دفتر تامانیدن هماهنگ بولر ایکن.
