اروپا بیرلیگی و بیرقطار مملکتلرنینگ کابلدهگی ایلچیخانهلری قوشمه بیر اعلامیه آرقهلی، ملی عالی مصالحه کینگشی ایجاد ایتیلگنینی خوش قرشیلگنلر.
بوگون "پنجشنبه" آسترالیا، دنمارک، ناروی، کانادا، آلمان، هالند، سویدن و انگلستان نینگ کابلدهگی ایلچیخانهلری و اروپا بیرلیگی قوشمه بیر اعلامیه نشر قیلیب عیاللر، مدنی جماعه و اقلیتلرنینگ تینچلیک سوزلشوولرده حضور تاپیشلری اوستیگه تاکید قیلگنلر.
مذکور مملکتلرنینگ کابلدهگی ایچیخانهلری و اروپا بیرلیگی، افغانستان حکومتی و طالبان گروهی دن تینچلیک چارچوبهسی و مذاکره قیلیووچیلرگه عیاللرگه کوپراغ سهیم بیریشلری اوچون سعی و حرکت قیلیشلرینی سورهگنلر.
اوشبو مملکتلرنینگ ایلچیخانهلری، ملی مصالحه کینگشی ایجاد ایتیلیشی بیلن افغانستانلیکلر ارا سوزلشوولرنینگ باشلهنیش تاریخی بیللی ایتیلیشیدن امیدوارلیک بیلدیرگنلر.
اعلامیهده، افغانستان عیاللری نینگ اساسی حقوقلری جملهدن ایش قیلیش، تحصیل قیلیش، مسافرده ایرکینلیک، انجمنلر ایجاد ایتیلیشی و ساغلیک خذمتلرگه قول تاپیش حقوقلری اوستیگه تاکید قیلینگن.
ایتیلیشیچه، بوندن آلدین بیرقطار فعال عیاللر، تینچلیک جریانیده عیاللرنینگ سهیم بولیشلری اوستیگه تاکید قیلگن ایدیلر.
