اوتکن کیچه‌دن بویان ارزگان ولایتی‌نینگ خاص، شهیدحساس و دهراود تومنی‌ده امنیتی کوچلر بیلن طالب‌لر ارا آغیر توقنه‌شوو دوام ایتماقده.
شهیدحساس تومنی‌نینگ پولیس باشلیغی میرویس‌نینگ سیلام‌وطنداربیلن تلیفونی سوزله‌شیب ایتیشیچه، ولسوال‌لیک ایریم منطقه‌سی طالب‌لر قولیگه توشگن.
اونینگ کوپه‌یتیریشیچه، اونچه‌لیک کوچ و قورال اسلحه بولمه‌گنی باعث، طالب‌لر بیلن اوروشه آلمه‌یدیلر.
شهیدحساس تومنی‌نینگ پولیس باشلیغی‌گه‌کوره، دولت تامانیدن اولرگه یاردم بیریلگن صورت‌ده، تیزلیک‌ده قولدن کیتکن منطقه‌لرنی قیته‌دن قولگه آله‌دیلر، اما دولت تامانیدن بو خصوص‌ده دقت قیلینمه‌گن صورت‌ده طالب سنگرلرینی مستحکم‌لشتیرگنیدن کیین، مذکور منطقه قیته قولگه کیریتیش قیین بوله‌دی.
اونینگ کوپه‌یتیریشیچه، اوتکن کیچه 8 امنیتی پوسته‌نی طالب‌لر قولیدن آلگن، لیکن امنیتی کوچلر تومن مرکزیده ییتیشگنی‌دن کیین، طالب‌لر مذکور پوسته‌لرنی قیته‌دن قولگه آلگن.
ایتیش کیره‌ک اوتگن کون، مذکور تومن‌نینگ «کیشی» منطقه‌سیده قورال‌لر سلام شرکتی‌نینگ بیر مخابراتی پایه سینی ماین پارتله‌تیب ییقیتگن.
عین حالده، پارلمان نماینده‌لریدن کوپینچه‌سی شنبه‌کونگی عمومی ییغینی‌ده، مملکت بویلب ناتینچ‌لیک‌لر توغریسیده خواطر بیلدیرگنلر.
کینگش باشلیغی عبدالرؤوف ابراهیمی، اوچ امنیتی کمیسیون‌گه حکومت امنیتی رسمی‌لرینی مجلس‌ده چقیریب بو خصوص‌ده معلومات آلیش‌لری توغریسیده وظیفه بیردی.
