اردو کوچلر باش قومندانی قدم‌شاه شهیم‌نینگ ایتیشیچه، طالب‌لر اوز کوچینی کورسه‌تیش اوچون مملکت ایریم منطقه‌سیده گروهی هجوم اویوشتیره‌دی. جناب شهیم بومطلب‌نی بیان ایتیب کوپه‌یتیریشیچه، هرحالده بولسه افغانستان امنیتی کوچلری بو گروه برابریده کوره‌شه‌دی.
شونینگ‌دیک اردو باش قومندانی‌نینگ ایتیشیچه، طالب‌لر واسطه‌سی بیلن بیرقطار تومن‌لر باسیب آلیش اوچون قیلگن سعی و حرکت باشقه بیر دلیلی بارلیکلری‌نی اثبات‌لش دیر.
جناب شهیم‌گه کوره، طالب‌لر ایریم منطقه جمله‌دن غور، بدخشان، کندز و نورستان‌ده باشقه هجوم‌لر ریجه لنگن ایکن. بیراق امنیتی کوچلر قرشی‌لیگی‌گه دوچ کیلیب ریجه‌لری ناکام قالگن.
اردوکوچلر باشلیغی بومطلب‌نی شنبه کونی 6- سرطان مملکت شرقی ده‌گی 201 سیلاب قول اردو کوچلری‌گه مخاطب بیان ایتکن.
اوشبو امنیتی بلندمرتبه‌لی رسمی‌سی‌نینگ ایتیشیچه، طالب‌لر چهارسده، وانت وایگل و چهاردره تومن لرینی باسیب آلیش اوچون ریجله‌گن برنامه‌لری ناکام قالگن.
جناب شهیم امنیتی عسکرلردن قدردانلیک بیلدیریب ایتیشیچه، طالب‌لر اوتمیش‌لرده خلق‌گه ظلم قیلگن و انه شوسبب خلق باشقه بو گروه‌نی قبول ایتمه‌یدی.
شونینگ‌دیک، بو گروه اوزگریش عرفه‌سیده ایکن‌لیگی هم ایتیله‌دی. جناب شهیم‌نینگ بو اوزگریش توغری‌سیده ایتیشیچه، داعش اوزی طالب دیر؛ یالغیز بیرق‌لری اوزگرگن.
اردو کوچلر باش قومندانی‌نینگ ایتیشیچه، هر بیر ناقانونی قوراللی گروه بو مملکت دشمنی دیر و امنیتی کوچلر بو گروه‌لرگه قرشی کوره‌شیش اوچون تیارگرلیک آلماقده. جناب شهیم ننگرهار ولایتی ایریم منطقه لریده داعش حضور تاپگنی توغری‌سیده خواطرلر بیان ایتیلگن بیرچاغده شرقی ولایت‌لرگه سفرقیلگن.
عین حالده، امنیتی رسمی‌لر نیچه مرته افغانستان‌ده داعش گروهی یوکسلیشی ممکن سیزدیب ایتیشیچه، حکومت بو گروه‌گه قرشی کوره‌شیش اوچون ینگی برنامه‌لرنی قولگه آلگن. رسمی‌لرنینگ کوپه‌یتیریشیچه، امنیتی کوچلر بو گروه‌گه قرشی کوره‌شه آله‌دی.
