.jpg)
بوگون «پنجشنبه» کابلده خبری ییغین اوتکزگن مدنی و حقوقی ادارهلرنینگ ایتیشیچه، حکومت تامانیدن تصدیقلنیب و ترقهتیلگن اداری فسادگه قرشی کورهش ینگی قانونی گه قول اوریلیب و بیکار قیلینگن. اولرگه کوره، بو ایش جمهورلیک ریاستی ارگده بولگن خاص تشکیلات آرقهلی عملگه آشیریلگن.
افغانستان شفافیتینی کوزهتووچی اداره باشلیغی محمداکرم افضلی نینگ ایتیشیچه، اداری فسادگه قرشی کورهش ینگی قانونینینگ 9- مادهسیده اداری فسادگه قرشی کورهش ایرکین کمیسیونینینگ اعضالری تنلنیشی اوچون بیر کمیته نظرگه آلینگن ایدی؛ لیکن قانوننینگ مذکور مادهسی کابینه تامانیدن تصدیقلنگنیدن سونگ، بیکار قیلینگن.
افغانستان شفافیتینی کوزهتووچی اداره باشلیغینینگ ایتیشیچه، مدنی جماعهچیلیک اعضالری، مذکور کمیسیوننینگ ایرکینلیگینی تضمین قیلیش اوچون تنلش کمیته تشکیلاتی اوچون 13 اعضا نظرگه آلگن ایدی.
مذکور اعضالر باش قارهلاوچی، عدلیه وزیری، عیاللر وزیری، عالی محکمه اعضاسی، نمایندهلر کینگشی و سنامجلسینینگ اداری فسادگه قرشی کورهش عدلی و قضایی کمیسیونینینگ باشلیغلری، اساسی قانون تطبیق ایتیلیشیدن نظارت قیلووچی ایرکین کمیسیونینینگ باشلیغی، انسان حقلری کمیسیونینینگ باشلیغی، افغانستان حقوقدانلر بیرلشمهسینی باشلیغی، مدافعه وکیللر ایرکین جمغرمهسینی باشلیغی، مدنی جماعهچیلیک و ژورنالیستلر جمغرمهلریدن منتخب نمایندهلردن عبارت بولگن.
جناب افضلی گه کوره، بو لایحه کابینه تامانیدن تصدیقلنگن ایدی، بیراق عقرب آیینینگ 9 ده چاپ ایتیلگن اداری فسادگه قرشی کورهش ینگی قانوننینگ 9- مادهسیده کیلیشیچه، کمیسیون اعضالری تنلنیشی و نامزدلرنینگ کیملیگی، حجتی و ظرفیتی تیکشیریلیشی اوچون تنلش کمیته قوییدهگی اساسیده ایجاد ایتیلهدی.
- باش محکمه باشلیغی، باشلیغ صفتیده
- باش قارهلاوچی، اعضا صفتیده
- ملکی خذمتلر و اداری اصلاحات ایرکین کمیسیونینینگ باشلیغی، اعضا صفتیده
.jpg)
مدنی ادارهلرنینگ اعضالرینی ایتیشیچه، حکومت بوندهی بیر حرکت بیلن کمیسیون ایرکینلیگینی بیکار قیلگن و بو ایش جینوا ییغینی یولگه قوییلیش عرهفهسیده کوپراق نمایشی کورینهدی. مدنی ادارهلرنینگ اعضالریگه کوره، ینگی قانون ده کمیسیوننینگ نظارتی تامانی بیکار قیلینگن.
اولرنینگ کوپهیتیریشیچه، قانون ده تنلش کمیته اعضاسی صفتیده کیلگن ادارهلر فساد پیشه دیر. اولرنینگ آگاهلنتیریشیچه، حکومت بو موضوع گه دقت قیلمهگن صورتده، قانون نی بیکار قیلگن کیشیلرنینگ آتینی فاش قیلهدیلر.
مدنی جماعهچیلیک اعضاسی عزیز رفیعی نینگ ایتیشیچه، ملی بیرلیک حکومتی عدالت و اداری فسادگه قرشی کورهش موضوعلری بیلن سلیقهیی یاندهشهدی و یشاوچیلرنینگ برچه امیدینی سیاسی ایستکلریگه قربان قیلهدی.
جناب رفیعی نینگ کوپهیتیریشیچه، افغانستان یشاوچیلری فساد دن سیقیلگن و اداری فسادگه قرشی کورهش ده حکومتنینگ سلیقهیی یاندهشی کوپلب زیان ییتکزیشی ممکن.
اوشبو موضوع توغریسیده حکومتنینگ فکرینی اورگهنیش اوچون علاقه قوردیک، بیراق تکرار قونغیراقلر نتیجهسیده مؤفق بولمهدیک.
